Item den voirs(creven) vrancken t(er) vrancx ind(en) name van hem/ selve(n) en(de) als vader van wegen inden name en(de) tot behoeff/ vrancx lijsbetthe(n) berbelen en(de) katlijne(n) sijne(n) wettige(n) kinde(re)n/ die hij hadde van m(ar)griete(n) wijlen van lare zijnd(er) huysvr(ouwe)/ sust(er) als zij leefde des voirs(creven) henricx en(de) katlijne(n) sijn/ bleve(n) ende gevallen in hue(r) deylinge de goede hier nae/ bescreve(n) Ierst ond(er)half dach(mael) lants gelegen opt herixhem/ in wersijd(en) vand(en) moele(n)wege Item een half dach(mael) lants/ gelegen opt selve velt inde p(ro)chie van berchsem tussche(n)/ de goede goirts vekemans t(er) eenre en(de) joes vand(er) hoeve(n)/ t(er) ande(re) It(em) een half dach(mael) lants gelege(n) aende(n) speelberch/ inde p(ro)chie van velthem tusschen de goed henr(icx) va(n)d(er)/ borch ende anth(onijs) zedele(re) It(em) ond(er)half dach(mael) lants gelegen/ aende(n) schuyldore(n) inde p(ro)chie van berchsem tusschen de/ goede willems vand(en) putte in beyde zijd(en) It(em) een half/ boend(er) lants gelege(n) opden berthe(m) bosch tusschen de goede/ goirdts vand(en) putte op deen zijde en(de) wout(er)s van lare/ kinde(re) op dand(er) zijde It(em) een dach(mael) lants gelege(n) opte(n)/ necwinckel tussche(n) de goede sgoidsh(uys) vand(er) banck op/ deen zijde en(de) des voirs(creven) wout(er)s kinde(re) op dand(er) zijde/ It(em) een half dach(mael) lants gelege(n) opten necwynckel tussche(n)/ de goede wille(m)s vand(en) putte op deen zijde en(de) de goede/ sgodsh(uys) vand(en) roede cloeste(r) op dander zijde It(em) vijf vie(re)ndeel/ lants gelege(n) opt herixhe(m) tussche(n) de goede everarts van/ wynge en(de) der kinde(re)n conijns opden co(m)mer en(de) last/ van xviii erff(lijck) aen meeste(re)n golijne van tsestich vi mol(evate)/ rocx erfpachts aen tgodsh(uys) vand(er) augustijne(n) te loeven(en)/ en(de) tderdendeel van eene(n) mol(evate) even(en) ende tderdendeel/ van eene(n) mol(evate) rocx scotcorens It(em) vijff dach(maelen) beempts/ geheete(n) de wyen tussche(n) de goede der kinde(re)n vand(er)/ paelt in wersijden opden co(m)mer en(de) last van twintich mol(evate)
//
evene(n) ende omtr(int) drie stuv(er)s erff(lijck) Item een half dach(mael)/ lants gelegen op cleynvelt tusschen everarde van/ wynge t(er) eenre en(de) de kinde(re) van steenwege t(er) ande(re)/ Item tvijfste deel van eene(n) boend(er) beempts gelege(n)/ ond(er) berchsem beemde tussche(n) de goede jans vand(er)/ lynden ende de kinde(re) willems wijlen kersmake(r)s/ opden co(m)mer ende last van eene(n) halve(n) molevate/ evene(n) hanc quoq(ue) et sat(is) prout cor(am) eisdem