SAL7386, Akte: R°412.2-V°412.1 (756 van 932)
Akte R°412.2-V°412.1
Act
Transcriptie
2018-04-04 door Jos JonckheerAllen den ghenen dat lijsbeth boschman cu(m) tuto(r)e/
in p(rese)ntia heeft voir al gerevoceert ende wed(er)roepe(n)/
ende mits desen revoceert ende wederroept alsulke/
procu(r)atie ende mechticheyt als zij tande(re)n tijden/
gegeven heeft willem(me) hubrechts oft yemand(e) and(er)s/
Ende dat gedaen heeft zij geconstitueert gesedt/
volcomen macht procu(r)atie ende aucto(r)iteyt gegeven/
jorijse hubrechts zone des voirs(creven) willems willem(me)/
van leefdale ende jacoppe wittemans aut Alle/
hue(re) saken questien ende gescillen die sij alsnu/
uutstaen(de) heeft oft naemaels hebben sal moegen/
voir alle gerichte(n) geestelijc en(de) werlijc tegen wien/
dat zij alle hue(re) jairgulden(en) sculden chijsen rinte(n)/
pachten opcomi(n)gen en(de) vervallen goede beruerlijck/
ende omberuerlijck hoedanich die zijn wair die gelege(n)/
sijn oft bevonden sullen moegen werdden Te verwae(re)n/
te mane(n) teysschen optebue(re)n ende tontfangen Dair/
voe(r) te panden te daigen te beleyden rastamente te/
doen leggen die met rechte texeque(re)n ende te v(er)volg(en)/
te bedingen te wynne(n) te verliesen Alle gescriften/
ende libellen over te geven ende te nemen te/
replice(re)n te duplice(re)n alsoe wel int pri(n)cipael als/
int accessoir alsoe dicwile ende menichwerve(n) als/
dat behoe(re)n getugen te sien swe(re)n die te batte(re)n/
hue(re) depositie te wederleggen alsoe menichwerven/
als dat gebue(re)n sal moegen ende ofts noot gebuerde/
de voirs(creven) saken te conteste(re)n te decline(re)n texcipie(re)n/
te reco(n)venie(re)n te bescudden compostie ende mi(n)lijcke/
yffeni(n)ge van all des voirs(creven) es te maken den sculders
//
te quite(re)n ende volcomen quitan(cie) te geven ende/ voirtane gene(r)alijck ende sp(ec)ialijc dair inne te/ doene ende te vorde(re)n alle tgene dat deselve/ lijsbeth selve doen ende vorde(re)n soude moegen/ wairt dat zij telker tijt ende plaetssen selve/ tegewoirdich ende voir ooghen wae(re) (et)c(etera) in mel(iori)/ for(ma) Promitt(ens) rat(um) salvo iusto calculo Heeft/ voirts den voirs(creven) jorijse hue(re)n neve bij forme(n)/ van hue(re)n utersten wille gemaict ende gelaten/ ende mits desen maict ende laet declare(re)nde/ dat zij hem out ende gheeft nae hue(re) doot alle/ de goede have vliegende erve en(de) erve sculden/ pe(n)ni(n)gen en(de) ande(re) die nae hue(re) doot van hue(r)/ versterven ende blive(n) sullen moegen opde bet(alinge)/ van hue(re)n kercken rechte ende wettigen sculden/ d(air)af sal moegen blijcken den rechte genoech/ sijnde ende thien stuv(er)s eens der fabriken van/ s(in)[te] lambrechts te ludick cor(am) bouchout naen ap(ri)lis/ xix
//
te quite(re)n ende volcomen quitan(cie) te geven ende/ voirtane gene(r)alijck ende sp(ec)ialijc dair inne te/ doene ende te vorde(re)n alle tgene dat deselve/ lijsbeth selve doen ende vorde(re)n soude moegen/ wairt dat zij telker tijt ende plaetssen selve/ tegewoirdich ende voir ooghen wae(re) (et)c(etera) in mel(iori)/ for(ma) Promitt(ens) rat(um) salvo iusto calculo Heeft/ voirts den voirs(creven) jorijse hue(re)n neve bij forme(n)/ van hue(re)n utersten wille gemaict ende gelaten/ ende mits desen maict ende laet declare(re)nde/ dat zij hem out ende gheeft nae hue(re) doot alle/ de goede have vliegende erve en(de) erve sculden/ pe(n)ni(n)gen en(de) ande(re) die nae hue(re) doot van hue(r)/ versterven ende blive(n) sullen moegen opde bet(alinge)/ van hue(re)n kercken rechte ende wettigen sculden/ d(air)af sal moegen blijcken den rechte genoech/ sijnde ende thien stuv(er)s eens der fabriken van/ s(in)[te] lambrechts te ludick cor(am) bouchout naen ap(ri)lis/ xix
Nagekeken door: Walter Winnelinckx
Moderator: Walter Winnelinckx
Laatste update:: 2018-03-23 door The Administrator