SAL7386, Akte: R°526.2-V°526.1 (913 van 932)
Akte R°526.2-V°526.1
Act
Transcriptie
2018-05-03 door Jos JonckheerNae dien op heden bijden raide vand(er) stadt sijn/
gecompareert peet(er) boschman briede(r) t(er) eenre en(de) jan/
de raeymake(re) al(ia)s moeleslege(re) t(er) ande(r) zijden Aldair de/
voirs(creven) peet(er) beg(er)de vanden selven janne guedi(n)ge te/
hebben(e) ende zijnd(er) werdynnen vand(en) rinte(n) bij hem
//
afgeleet staende op zeke(re) huysen gelegen opden keyberch/ gem(er)ct dat hij hoepte in dien voldaen te hebben mits der/ settingen vand(en) pe(n)ni(n)gen in dien behoeven(de) ende bij hem/ nae recht gestelt nae uutwijsen(e) vand(en) setboecke d(air)mede/ dat bleeck de selve settinge bij hem gesciet te zijne en(de)/ des anderssins oic gebuert mocht wesen tusschen hen beid(en)/ van zeke(re)n uutspraken bij goede ma(n)nen in dien gedaen/ Dairtegen de voirs(creven) jan sustineerde de (contra)rie gemerct/ dat die pe(n)ni(n)gen hem niet en volghde(n) mair aenveert/ wae(re)n bijd(er) stadt dair hiis hem toe gedroech hem dair/ niet aen stoeten(de) mair houdende zijn actie aen zijne(n)/ pant ende pete(re)n voirs(creven) Ende nae dat den selve(n)/ raidt alle bescheyt oversien hadde ende oic gepijnt/ de voirs(creven) p(ar)tien tonderwijsen(e) om de pe(n)ni(n)gen in desen/ bijd(er) stadt aenveert elders bij assignatien taenveerden(e)/ dwelc zij niet en hebbe(n) wille(n) ae(n)neme(n) ten ynde dat/ de guedi(n)ge in dien bij janne en(de) zijnd(er) w(er)dynnen/ gebue(re)n mochte Es get(er)mineert ende uutgesproken/ den zelve(n) p(ar)tien dat de voirs(creven) peet(er) mett(er) settingen/ vanden pe(n)ni(n)gen voirs(creven) bij hem gedaen ende des d(air)nae/ in dien gebuert is bij middeli(n)gen van goeden manne(n) (et)c(etera)/ gestaen zal ende dat de voirs(creven) jan eer hij sculdich/ zal zijn die guedi(n)ge te doene vand(en) rinten d(air) questie/ aff es met zijnd(er) werdi(n)nen die pe(n)ni(n)gen sculdich/ zijn te volgen(e) aen dese stadt die die aenveert heeft/ om vand(er) zelv(er) bij ge(re)den pe(n)ni(n)gen assignatien oft and(er)ssins/ gecontenteert te wordden(e) zonder den selve(n) pete(re)n oft/ zijn goede voirde(r) te moegen pramen In consilio opidi/ junii xxi
//
afgeleet staende op zeke(re) huysen gelegen opden keyberch/ gem(er)ct dat hij hoepte in dien voldaen te hebben mits der/ settingen vand(en) pe(n)ni(n)gen in dien behoeven(de) ende bij hem/ nae recht gestelt nae uutwijsen(e) vand(en) setboecke d(air)mede/ dat bleeck de selve settinge bij hem gesciet te zijne en(de)/ des anderssins oic gebuert mocht wesen tusschen hen beid(en)/ van zeke(re)n uutspraken bij goede ma(n)nen in dien gedaen/ Dairtegen de voirs(creven) jan sustineerde de (contra)rie gemerct/ dat die pe(n)ni(n)gen hem niet en volghde(n) mair aenveert/ wae(re)n bijd(er) stadt dair hiis hem toe gedroech hem dair/ niet aen stoeten(de) mair houdende zijn actie aen zijne(n)/ pant ende pete(re)n voirs(creven) Ende nae dat den selve(n)/ raidt alle bescheyt oversien hadde ende oic gepijnt/ de voirs(creven) p(ar)tien tonderwijsen(e) om de pe(n)ni(n)gen in desen/ bijd(er) stadt aenveert elders bij assignatien taenveerden(e)/ dwelc zij niet en hebbe(n) wille(n) ae(n)neme(n) ten ynde dat/ de guedi(n)ge in dien bij janne en(de) zijnd(er) w(er)dynnen/ gebue(re)n mochte Es get(er)mineert ende uutgesproken/ den zelve(n) p(ar)tien dat de voirs(creven) peet(er) mett(er) settingen/ vanden pe(n)ni(n)gen voirs(creven) bij hem gedaen ende des d(air)nae/ in dien gebuert is bij middeli(n)gen van goeden manne(n) (et)c(etera)/ gestaen zal ende dat de voirs(creven) jan eer hij sculdich/ zal zijn die guedi(n)ge te doene vand(en) rinten d(air) questie/ aff es met zijnd(er) werdi(n)nen die pe(n)ni(n)gen sculdich/ zijn te volgen(e) aen dese stadt die die aenveert heeft/ om vand(er) zelv(er) bij ge(re)den pe(n)ni(n)gen assignatien oft and(er)ssins/ gecontenteert te wordden(e) zonder den selve(n) pete(re)n oft/ zijn goede voirde(r) te moegen pramen In consilio opidi/ junii xxi
Nagekeken door: Walter Winnelinckx
Moderator: Walter Winnelinckx
Laatste update:: 2018-03-23 door The Administrator