Want henrick van raveschote als geleydt nae des(er)/ stadt recht voir sijn wettich gebreck uuyt crachte/ van scepen(en) brieve(n) van loven(en) tot allen den goeden/ beyde have en(de) erve anthoenis van redingen soe wair/ die gelegen sijn hem met brieve(n) van des(er) stadt gescr(even)/ aenden meye(r) van halen oft zijne(n) stadhoude(r) te wynghe
//
alle deselve goede behoirlijck heeft doen leve(re)n ende/ den selve(n) anthonise dach van rechte alh(ier) te compare(re)n/ inde banck voir meye(r) ende scepen(en) van loven(en) oft hij hem/ dair tege(n) hadde willen oppone(re)n doen besceyden Dair/ hij nyet gecompareert en es noch procur(ator) van zijne(n) weg(en)/ den voirs(creven) geleydden altijt compare(re)nde en(de) trecht voirt/ versueken(de) Soe v(er)re dat de scepen(en) van loven(en) ter/ manissen smeyers nae dat hen bij rappoirte boud(en)/ bellens des(er) stadt gezwoirne bode behoirlijc gebleke(n)/ heeft de voirs(creven) leveri(n)ge en(de) dach besceydinge gesciet/ te sijne gewesen hebben voir een vonnesse wair de wed(er)/ p(ar)tie des voirs(creven) geleydden niet en compareert ten opstaen(e)/ smeyers ende d(er) scepen(en) datmen den selve(n) geleydden houde(n)/ soude inde macht van sijne(n) beleyde scepen(en) brieve(n) en(de) leveri(n)g(en)/ alsoe v(er)re alst noch voir scepen(en) comen es In scampno octobr(is)/ s(e)c(un)da(m)