It(em) eustatius rabs ende jouffr(ouwe) katlijne loenijs zijn/ werdynne ter eenre marie sjonghen als tocht(er)sse katlijne/ ende willem obrechts hue(re) kinde(re)n die zij hadde van meeste(re)n/ jacoppe wijlen obrechts meest(er) in arten ende scolast(er) in/ zijnd(er) tijt der kercken van sint jacops opde byest als/ proprietar(is) met consente wille ende bij sijne meesters/ jans van wemeldi(n)gen gelicentieert inden gheestelijcke(n)/ rechte ende he(re)n peters dille(n) priesters capellaens/ der kercken van sinte peters te loeven(en) als executeert/ gedeputeert vanden eerweerdigen hee(re) den rectoir der/ eerwerdig(er) univ(er)siteyt der stadt van loeven(en) vanden/ testamente ende utersten wille des voirs(creven) meest(er)s/ jacops wijlen obrechts nae de doot meesters ancelmi/ wijlen van welmont meest(er)s joos van bouchout/ ende meesters gielis boete wijlen executeurs vande(n)/ selven testamente ende inde stat vande(n) selve(n) affirme(re)nde/ des naebescreve(n) steet gesciet te wesen ten meesten orboe(re)/ ende profijte der zelv(er) t(er) ande(re) Sijn comen voir scepen(en)/ van loven(en) hier nae bescreven kennende ende lijden(de) aengaen(de)/ der guedi(n)gen die de voirs(creven) stas ende zijn werdynne met/ eene(n) contulit ontfingen vand(er) voirs(creven) marien en(de) hue(re)n adhe(re)nten/ a(n)no xci octobr(is) xxv voir scepen(en) van loeven(en) vanden/ huyse ende hove metten toebehoirten inde coestrate te/ loeven(en) tusschen de goede pet(er)s wijlen beyardts t(er) eenre
//
ende de goede vand(er) herbergen van vileer t(er) ande(r) zijden/ Dair inne men bevint dat de goede gewarandeert zijn/ onder den ande(re)n op vier ryders erflic aen elc vand(en) vier/ heylige(n)geesten aldair genoempt eene(n) d(air)aff ende dat/ opde selve goede de voirs(creven) marie ende hue(re) kinde(re) behoude(n)/ hebben xiii rinsgulden(en) ende xv stuv(er)s erflic der poenten/ conditien ende vorweerden naebescreven die zij malca(n)de(re)n/ voir hen hue(re)n erve(n) ende nacomeli(n)gen geloeft hebben/ tonderhouden en(de) te voldoene Ierst wantmen zedert/ bevonden heeft dat soe wel den vijfsten heylige(n)geest/ van loeven(en) te weten(e) van sinte pet(er)s als elc vand(en) ande(re)n/ dairop heeft ende sculdich es te hebben en(de) te heffen/ oic eene(n) gelijcken ryder erflic ende dat die vier/ ryders erflic sijn souden vijff gelijcke ryders erflic/ Dair zij doen niet aff en wisten te weten(e) voir elke/ der vijff p(ro)chien eenen ryd(er) dairaff ende dat tv(er)swijgen/ vanden selven vijfsten guld(en) ryder es gesciet bij onwetentheyd(en)/ ende uut ignoran(cien) dat der selver wairscap niet/ tegestaen(de) de possesseurs vanden voirs(creven) goeden den last/ vanden selven vijfsten ryder erflic gelijc vanden ande(re)n/ co(m)me(re)n int wairscap begrepen sculdich zulle(n) zijn/ te draghen Bij alsoe ende op vueghe dat voir den/ selven vijfsten ryder erflic den voirs(creven) stasse ende/ zijnd(er) werdynnen ende hue(re) nacomeli(n)gen jairlijcx/ erflic gecort sal wordden ende tafslaghe come(n) aende/ voirs(creven) xiii rinsgul(den) ende xv stuv(er)s erflic eene(n) guld(en)/ ryder erflic mu(n)ten wijlen hertogen ph(ilip)s hertoghe/ van bourg(oign)[en] ende van brabant te xxv stuv(er)s der mu(n)ten/ shertogen van brabant tstuck tres pl(ac)cen pro stufero/ ende dairmede zullen deselve marie hue(re) kinde(re) ende/ hue(re) nacomeli(n)gen desen vijfsten ryder aengaende/ gestaen der voirs(creven) geluften van wairscape niet/ tegenstaende coram borch bouchout/ januarii ix