Tusschen janne libbosch creme(r) aenspreken(de) inde banck/ voir meye(r) en(de) scepen(en) anthonijse inde puele van eene(n)/ halve(n) mudde corens eens gevallens en(de) ombetaels/ pachts vand(en) mudde corens erfl(ijck) dat deselve jan libbosch/ heeft op een tyegelrie gelegen te pelle(n)berch aen den/ cortte(n)berch om van he(m) vand(en) selve(n) halve(n) mudde/ he(m) d(air)af noch gebreken(de) betali(n)ge te gecrigen(e) want/ desselfs anthonijs werdynne(n) soe deselve libbosch seyde/ he(m) dand(er) half mudde bet(aelt) hadde t(er) eend(er) en(de) de(n)selve(n)/ anth(onijs) t(er) and(er) zijd(en) Nae dien deselve jan libbosch anth(onijs)/ den eedt gedeylt hadde te geven(e) oft tselve te houden(e)/ dat hij hem dien pacht geloeft hadde te betalen(e)/ en(de) deselve anth(onijs) dat ontkynnen(de) den eedt en(de) ontscult/ d(air)af te hemw(er)ts genome(n) en(de) dair nae volcomelijck/ gedaen hadde soe hij d(air)toe met scepen(en) vo(n)niss(en) gewijst/ hadde geweest Es gewijst bij scepen(en) van loeven(en)
//
t(er) manissen des meyers dat deselve anthonijs zijns eedts/ en(de) ontschults volcomen was en(de) alsoe der aenspraken/ ongehouden soude sijn In scampno cor(am) o(mn)ibus scabinis/ dempt(is) pynnock buetsele m(ar)tii qui(n)ta