Want augustijn opten berch die uuyt crachte van scepen(en)/ brieve(n) van loeven(en) nad(er) selv(er) stadt recht voir sijn wettich/ gebreck comen en(de) geleydt es onder den ande(re)n tot allen/ den goeden beyde have en(de) erve jans wout(er)s en(de) arnts/ brugma(n)s gebruede(re)n en(de) willems kercma(n)s soe wair die
//
gelegen sijn hem met brieve(n) van des(er) stadt gescreven aend(en)/ meye(r) van arsschot oft zijne(n) stadthoude(r) te berthem[kem] alle/ deselve goede behoirlijc heeft doen leve(re)n ende den selven/ ja(n)ne en(de) arnd(e) brugma(n)s der wed(uwe) wout(er)s wijlen brugma(n)s/ en(de) willem(me) kercma(n)s dach van rechte alh(ier) te co(m)pare(re)n/ inde banck voir meye(r) en(de) scepen(en) van loeven(en) oft zij hen/ d(air) tegen hadden willen oppone(re)n doen besceyden ald(air)/ zij op heden niet comen en zijn noch niema(n)t van hue(re)n/ wegen den voirs(creven) geleydden comp(ar)re(re)nde en(de) trecht voirt/ versueken(de) Soe hebben de scepen(en) van loeven(en) t(er) maniss(en)/ smeyers nae dat hen behoirlijc heeft gebleken bij rapporte/ giel(ijs) eveloege des(er) stadt bode tvoirs(creven) exploit behoirlijc/ geschiet te sijne vo(n)nislijc gewesen hebben datme(n) den/ selve(n) geleydde(n) vand(en) voirs(creven) goeden houden soude inde/ macht van sijne(n) beleyde scepen(en) br(ieven) en(de) leveri(n)g(en) alsoe/ v(er)re alst noch voir scepen(en) comen es In scampno m(ar)tii/ xxviii