Villicus lovanien(sis) median(tibus) scabinis lovanien(sibus) adduxit/ paulu(m) oliviers tamq(uam) procuratore(m) et r(e)ceptore(m) mo(na)sterii/ de p(ar)cho d(omi)naru(m) ad om(n)ia et singula bona i(m)mo(bilia) et he(re)d(itaria)/ joha(n)ne et machteld(is) van espent al(ia)s bericx f(iliarum) petri q(uon)d(am)/ van espent ubicu(m)q(ue) locoru(m) tam infra lovaniu(m) q(uam) extra/ infra p(at)riam braban(tie) sit(a) in mans(ionibus) domibus curtibus/ terris arabil(ibus) pratis pascuis silvis vineis censu tr(e)censa/ redditibus et p(er)tinen(tibus) universis pro certis r(e)cognicio(n)ib(us)/ et promissionibus consc(ri)pt(is) in l(itte)ris scab(inorum) lovanien(sium) quaru(m)/ tenor sequitur in hec verba et est talis Condt zij allen/ lieden dat joha(n)ne en(de) machtelt van espent al(ia)s bericx/ dochte(re)n pete(r)s wijlen van espent woenen(de) inde/ prochie van velthem in p(rese)ncia hebben genome(n) ende/ bekynt genome(n) te hebben van pauwelse oliviers/ als procur(eur) ende rintmeest(er) des goidshuys van vrouwe(n)p(er)cke/ thof geheete(n) ten eycken metten wynnen(de) lande eeussele(n)/ ende beemden ende alle(n) tgoet toebehoe(re)nde de(n) selven/ hove alzoe verre als de voirs(creven) pet(er) die voirtijts gehoude(n)/ heeft oft van zijne(n) handen uuyt gegeve(n) heeft Te/ houden(e) te hebben(e) ende te wynnen van halfmerte dat/ was a(n)no xiiii[c] ende lxxxvii stilo braban(tie) eene(n) t(er)mijn/ van xii jae(re)n deen nae dande(re) sonder middel vervolgen(de)/ mair m(ijn) vrouwe oft de gesuste(re)n moegen altijt sceyde(n)/ te sesse jae(re)n dient believe(n) sal mair de ghene die/ sceyde(n) wilt te sesse jae(re)n die saelt cundige(n) oft/ cont doen den ande(re)n altijt een jair te voe(re)n Elcx/ jairs voir en(de) om xlii mudden rogs xiiii mudden/ g(er)sten en(de) xiiii even(en) mudden even(en) elcx grains/ goet en(de) payabel met wa(n)ne en(de) vede(re)n wel bereyt/ elck mudden voe(r) acht halste(re)n loevensch ts(in)t andriesmisse/ alle jaire te betalen en(de) te leve(re)n int cloest(er) voirs(creven) den/ voirs(creven) t(er)mijn due(re)nde Item de gesuste(re)n sulle(n) moeten/ inhalen en(de) leve(re)n alle(n) de buyten pachten bynnen/ den zelve(n) cloeste(re) alle jaire ts(in)t andriesmisse apostels/ / op hue(re)n last den t(er)mijn due(re)nde dats te weten(e) inde(n)/ yerste(n) van stertbeke vii(½) mudde(n) rogs loevensche/ te lare bij vilvoirden vijf mudd(en) havren en(de) vijf/ mudd(en) g(er)sten loevensche aen die jouffrouwe/ vand(en) borch vijf mudde(n) [vacat] loe(vensche) ende twee/ mudden corens te hockezeele ende noch twee mudde(n)/ corens inde prochie van erps Item de gesuste(re)n zulle(n)/ m(ijn) vr(ouwe) leve(re)n vi antwerfsche schilde metten vier/ leeuwe(n) goet van gouwe ende swaer van gewichte/ oft de weerde in ande(re)n goeden gelde ts(in)te rameysmisse/ alle jaire te betalen den t(er)mijn due(re)nde Item de gesuste(re)n/ sullen m(ijn) vr(ouwe) en(de) den co(n)vente oick geven voe(r) vier/ vette verken(en) xxiiii mottoene xxvii(½) pl(a)c(ken) voir/ twee der voirs(creven) mottoene(n) ts(in)te rameysmisse alle/ jaire te betalen(e) den voirs(creven) t(er)mijn due(re)nde Item m(ijn)/ vr(ouwe) sal den voirs(creven) gesuste(re)n leve(re)n int cloest(er) voirs(creven)/ alsoe dicwijle alsmen bynne(n) den selve(n) cloeste(re)/ cloest(er)biere tout xxviii geleen vanden selven/ biere ende te xiiii nachten een provende broets/ jairlijcx den t(er)mijn due(re)nde Item de gesuste(re)n zulle(n)/ m(ijn) vr(ouwe) jairlijcx oick leve(re)n te paessche(n) vier cusbaer/ calve(re)n Item de gesuste(re)n zulle(n) m(ijn) vr(ouwe) noch jairl(ijcx)/ leve(re)n vijftich goeder parskase en(de) der kelderssen/ jairlijcx twee hondert parskasen den t(er)mijn due(re)nde/ dair voe(r) elken kase sesse quarten melcx mett(er)/ zanen ende sesse quarten melcx versaent Item/ de gesuste(re)n sullen geven voe(r) de brueders prove(n)de/ xiiii pont boteren ende xiiii parskasen voirs(creven)/ maten als boven Item de gesuste(re)n sullen m(ijn) vr(ouwe)/ noch leve(re)n xv[c] eye(re)n ende der formessen/ vand(en) selve(n) cloeste(re) v[c] jairlijcx leve(re)n den t(er)mijn/ due(re)nde te palmsondaghe Item de gesuste(re)n sulle(n)/ leve(re)n iii[c] busselen walms jairlijcx de(n) t(er)mijn/ / due(re)nde om de huysen mede te decken ald(aer) ende des/ zulle(n) zij ongehouden zijn die huysen te houden(e) mair soe/ wa(n)neer datme(n) die walme(re) voirs(creven) verdect soe sulle(n)/ de gesuste(re)n gehoude(n) zijn den pleckers en(de) deckers/ de costen te geven ende anders niet en(de) m(ijn) vrouwe/ de dachue(re)n betalen Item wairt dat sake dat den/ wercluden leem oft latten gebraken dat soude(n) de/ gesuste(re)n hen moeten leve(re)n op hue(re)n last en(de) de latten/ halen int voirs(creven) goidsh(uys) Item de gesuste(re)n sulle(n) jairl(ijcx)/ leve(re)n den t(er)mijn due(re)nde xxv busselen walms inde(n)/ h(er)berghe te loeven(e) Item de gesuste(re)n sullen m(ijn) vr(ouwe)/ geven twee grijpen te hulpe(n) vand(en) dachue(re)n ende/ niet meer Item de gesuste(re)n sulle(n) oick gehoude(n) zij(n)/ de drie yerste jae(re)n m(ijn) vr(ouwe) betalen van voirlieve/ vijftich hollans gul(den) als vervolchde schout Item sal de/ fermesse hebben half doeft dat op tvoirs(creven) hof wassen/ sal opde oeftboeme(n) vande(n) fo selve(n) hove ende/ dat voirs(creven) oeft sullen de gesuste(re)n moeten leve(re)n tot/ hue(re)n huyse oft te loeven(e) dairt huer believe(n) sal/ ende noch sulle(n) de voirs(creven) gesuste(re)n gehoude(n) zijn te geven(e)/ thien pont paim(en)ts om oeftboeme(n) te planten(e) ald(aer)/ jairlijcx mair des sal de formersse gehoude(n) zijn half/ te corten(e) den gesuste(re)n Item sullen de voirs(creven) gesuste(re)n/ gehoude(n) zij(n) m(ijn) vr(ouwe) ende den ghenen die met huer/ dair come(n) sullen oft van hue(re)n wegen wel ende/ loflijck tontfane van eten van drincken elck jouffr(ouwe)/ een quarte wijns alsoe dicwijle als zij d(aer) come(n) sulle(n)/ ende desgelijcx den meeste(re) metten brueders vand(en)/ selve(n) cloeste(re) ende elck van hue(re)n p(er)de(n) vier spynde(n)/ corens sdaighs Item sulle(n) de gesuste(re)n gehoude(n) zij(n)/ dat voirs(creven) hof te houden(e) van carweyn van alle(n)/ tshee(re)n luden ridde(re)n cnapen tshe(re)n honde(n) ende/ van allen co(m)me(re) gelijckerwijs die brued(er)s h(ier) voirmaels/ / gehouden hebben vanden selve(n) cloeste(re) ende oft m(ijn) vr(ouwe)/ ende tco(n)vent selv(er) hielden Item sullen de gesuste(re)n/ gehouden zij(n) te houden(e) alle de grechten en(de) strate(n)/ toebehoe(re)nde den selven hove sonder m(ijn) vr(ouwe) last/ Ende wairt dat den cloeste(re) voirs(creven) dair af e(n)nige/ scade quame dat soude(n) de gesuste(re)n m(ijn) vr(ouwe) moeten/ oprichten tot goede mans prijse Item wairt dat/ sake dat orloge ware oft oick sorge d(aer) voe(r) ware/ bynne(n) den voirs(creven) t(er)mijn ende dat tcore(n) int schue(re)/ ware en(de) tgoidshuys gederssche(n) hebbe(n) woude dan/ soude(n) de voirs(creven) gesuste(re)n dat coren moeten doen/ dersschen alsoe verre alst hen beliefde ende dat/ vue(re)n dairs m(ijn) vr(ouwe) te vreden ware op hu(n)nen last/ ende wairt dat sake dat de gesuste(re)n alsoe niet en/ dade(n) soe soude m(ijn) vr(ouwe) d(air) moegen dersschen stelle(n)/ op der voirs(creven) gesuste(re)n last Item wairt dat den/ cloeste(re) voirs(creven) e(n)nige scade geschiede bynne(n) den selve(n)/ hove van brande oft van der gesuste(re)n wegen oft/ hue(re)n huysgesi(n)ne dat soude(n) de gesuste(re)n m(ijn) vr(ouwe) moete(n)/ oprichten tot goede mans prijse uuyt genome(n) in/ gemeyne(n) orloghe(n) oft tempeesten datmen lijde(n) moeste/ dat soude m(ijn) vr(ouwe) den gesuste(re)n oprichten gelijck ande(re)/ p(re)laten boven ende benede(n) doen en(de) niet voirde(re) Item/ wairt dat bynnen den voirs(creven) hove e(n)nige grove ty(m)meri(n)ge/ gebrake dat soude(n) de gesuste(re)n thout moeten halen/ op hue(re)n last ende soe wa(n)neer men dair ty(m)mert/ sullen de gesuste(re)n den werclude(n) ald(aer) den cost geven/ ende m(ijn) vrouwe de dachue(re)n betalen Item sullen/ de gesuste(re)n voirs(creven) jairlijcx hue(re)n t(er)mijn due(re)nde doen/ planten twee hondert leven(de) pooten opt goet voirs(creven)/ ende wairt dat sake dat de gesuste(re)n dade(n) afhouwe(n)/ op tgoet voirs(creven) e(n)nige oude verdorde willegen dair/ soude(n) zij moete(n) voe(r) doen planten voir elk(er) der/ / voirs(creven) twee levende pooten Item de gesuste(re)n en zulle(n)/ niet moegen doen breken e(n)nige eeusselen den voirs(creven)/ hove toebehoiren(de) bynne(n) den twee leste jae(re)n Item de/ gesuste(re)n voirs(creven) en sullen hebben gheen rechte aen dopgaen(de)/ hout staen(de) opt voirs(creven) goet te houwe(n) oft te doen houwe(n)/ in gheend(er) manie(re)n Item de gesuste(re)n sullen gehoude(n)/ zijn m(ijn) vr(ouwe) te doen twee carweyen alle jaire/ den t(er)mijn due(re)nde met hue(re)n wagen(en) ende met/ vijf p(er)den te mechelen oft alzoe verre op hue(re)n/ last Item de gesuste(re)n en zulle(n) niet moegen v(er)coope(n)/ mest stroo oft walme(re) comen(de) vand(en) selve(n) hove/ noch elders voe(re)n dan op tvoirs(creven) goet Item de/ gesuste(re)n en zullen gheen hout moegen [doen] afhouden/ dan ten behoir(lijcken) tijde ende ter mynster scade(n) Item/ de gesuste(re)n en sulle(n) gheen hout doen afhouden/ dan tott(er) beri(n)gen vanden selve(n) hove en(de) om te/ bevredene de selve goede Item de gesuste(re)n en/ zullen gheen hout doen afhouwe(n) totte(n) bachuyse/ dan doirne ende breme(n) Item de gesuste(re)n zulle(n)/ laten den wint(er) aert ald(aer) besaeyt met coren(en) op zij(n)/ vier getijde voe(re)n gelijck regenoete(n) en(de) wel gemest/ de drie leste jae(re)n ende oft zijt alsoe niet en dade(n)/ van jaire te jaire(n) dat souden zij m(ijn) vr(ouwe) moeten/ oprichten tot goedemans prijse Item de gesuste(re)n/ sullen besaeyt laten dat leste jair sesse boende(re)/ twee voir rogge ende de stortte eens o(m)megedaen/ Item de gesuste(re)n sulle(n) gehoude(n) zijn te doen vue(re)n/ jairlijcx den t(er)mijn due(re)nde twee voede(re)n hoys elck/ voede(re) met vijf p(er)de(n) op hue(re)n last s(in)t jansmisse te/ leve(re)n te loeven(e) inde h(er)berge desselfs goidsh(uys) et sic/ ult(erius) prout h(abetu)r in libro de p(ar)cho d(omi)nar(um) de data febr(uarii)/ xiii a(nn)[o] xcii Et h(ab)uit q(ue)relas hiis int(er)f(uerunt) lyefk(enrode) borch(oven) julii xvi