Item tot welcken daighe van ultima april(is)/ compare(re)nde de voirs(creven) arnt inde voirs(creven) banck/ met sijnen gelev(er)den voirspreke verhaelde/ de voirhandeling(en) ende acten in des(er) ende/ dede seggen eve(n) v(er)re goessen ende sijn huysvr(ouwe)/ compareerden en(de) hen rechtv(er)dich maecten hij/ was bereet en(de) p(rese)nteerde navolgen(de) den voir/ gesciedeniss(en) voirt te vae(re)n metten voirs(creven)/ cleerniss(en) ende oft zij niet en compareerd(en)/ en(de) hen rechtv(er)dich en maicten soe dat behoirde/ soe sustineerde hij vand(er) diffamien ongehoud(en)/ te sijne en(de) geabsolveert te wordden ende/ d(air)entynden sulken bet(er)nisse te vervolgen soe/ sijne(n) raidt gedragen soude Dair teg(en) goess(ens)/ huysvr(ouwe) sonder huer rechtverdich te maken/ selve in p(er)soene seyde dat huer man niet/ en dorste comen bij dien dat hij bij weten(e)/ vand(en) borg(er)meest(er) gelast oft geconsenteert was/ te doen houden voir p(ar)tien sculden Dairop/ doffic(ie)r huer seyde ende antweerde soe v(er)re/ goessen huer man inde vroende wae(re) hij/ soud(e) dair doen bringen Ende oft hij vand(er)/ hant wae(re) hij p(rese)nteerde hem in dien geleyc/ te geven sijn sake vry te moegen comen/ vervolgen D(air)op de werdynne van goessen(e)/ seyde dat zij niet dingen en woude/ mair hadde mijne(n) hee(re) den meye(r) de clachte/ gedaen ende noch dede versueken(de) dat hij/ recht doen soude ende huer man en was/ dair niet bij geroepen dair dwerck/ geschiedde met meer woirden
//
de voirs(creven) arndt bliven(de) bij sijn conclusie Soe/ verre dat de scepen(en) d(air)op gemaent hebben/ genomen hue(re)n raidt ende verst