Condt zij allen lieden dat willem van ha(m)me/ in p(rese)ntie heeft genome(n) en(de) bekint genomen te hebben/ van he(re)n arnde wijten proefst des godshuys van p(er)cke/ thoff desselfs godshuys geheete(n) van veldonck metten/ wynnen(de) landen alsoet gelege(n) es inde prochie van
//
werchte(r) met zijnd(er) toebehoirten ende metten beempd(en)/ d(air)aen gelegen gelijc dat jan van elsbroeck inde voir/ gaen(de) pechti(n)ge ghehadt ende gehouden heeft ende/ niet voirde(r) eenen t(er)mijn van negen jae(re)n lanck/ d(air)af den eersten pacht v(er)schee(n) m(ar)tini xc Elcx jairs/ d(air)enbynne(n) de voirs(creven) beempde om ende voe(r) xxix/ croene(n) behoudelijc dat hij dierste jar sal gestaen/ met achtien croene(n) ende de voirs(creven) lande om en(de)/ voe(r) xiiii rinsgulden(en) te xx stuv(er)s tstuck behalven/ dat de voirs(creven) willem vanden yerste(n) jae(r) niet geve(n)/ en zal noch oick vanden tweesten jae(r) niet meer/ dan zeven rinsg(ulden) Item sal de voirs(creven) willem/ noch levere(n) lxxv hantkeese te p(er)cke goet en(de) cusbair/ alle jae(re) s(in)[te] remeysmisse ende oic lxxv pont/ bote(re)n alle jae(re) s(in)[te] m(er)tensmesse te levere(n) te p(er)cke/ den t(er)mijn due(re)nde It(em) de voirs(creven) wyn ruyme(n)/ en(de) veegen de lake en(de) de wat(er)lee t(er) plaetss(en) d(air) hij die/ goede houden(de) es alsoe dat den godshuyse d(air)aff/ gheen scade en come Item sal de voirs(creven) wyn houden/ eene(n) verre ende eene(n) beer oft twee gelijcmen dat/ gewoenlijc es geweest te houde(n) sond(er) cost des voirs(creven)/ godsh(uyse) It(em) sal de wyn hebben tprofijt vand(en) moere/ te weten dat hij sal moege(n) maeye(n) heye en(de) stroysel/ en(de) oic houwe(n) alle dweeck hout tot sijne(n) p(ro)fijte/ behalve(n) dat hij gheen recht hebbe(n) en sal in e(n)nich/ eycken hout op tselve moer staende It(em) sal de wyn/ alle jae(re) vue(re)n inde herb(er)ge te mechele(n) een voeder/ hooys ende een voed(er) oreten tot behoeff mijns he(re)n/ p(er)d(en) Item sal de wyn alle jae(re) doen de gasterie vand(en)/ hove sonder cost des godshuys It(em) sal de wyn sijnen/ t(er)mijn due(re)nde moege(n) tru(n)cken de tru(n)ckeyken ende de/ willige(n) om tgoet allo(m)me mede te v(er)maken(e) en(de) dat/ altijt ten behoirl(ijcken) tijde It(em) oft e(n)nige vand(en) willige(n)/ oft eycken verdroeghden die sal de wynne moegen/ afhouwe(n) ende verberne(n) ende voe(r) elcken v(er)droeghden/ boom sal twee planten van gelijcken aerde Item/ en sal de wyn gheend(er)hande hout comende vand(en)
//
voirs(creven) eycken oft willige(n) moegen verande(re)n noch v(er)coepe(n)/ mair selve gebruycken aen tvoirs(creven) goet It(em) oft gebuerde/ dat den godshuyse e(n)nige scade gesciedde van wegen des/ voirs(creven) wynne(n) oft oic e(n)nige scade gesciedde den wy(n)ne/ van wegen des voirs(creven) godsh(uyse) dat dan die ghene/ d(air)af die scade quame den ande(re)n die de scade hadde/ oft lede die selve scade restitue(re)n en(de) oprichte(n) soude/ ten prijse van goed(en) ma(n)nen Item sal de wyn ten/ uuytgaen(e) van zijnen t(er)mijne besaeyt laten te weten(e)/ vier boend(ere)n rocx d(air)aff de twee boend(er) wel gewo(n)ne(n)/ zijn sulle(n) met drie oft vier getidige voe(re)n en(de) wel/ gemest gelijc regenoete(n) en(de) twee boend(er) niet gemest/ uuyte(n) stoppele(n) gewonne(n) ende besaeydt It(em) es vorw(er)de/ dat de wyn sal wesen een vierdema(n) inde thiende/ van werchte(r) toebehoiren(de) den godshuyse voirs(creven) gelijc/ die uuytgegeve(n) es sijne(n) t(er)mijn lanc due(re)nde It(em)/ alsmen e(n)nige rep(ar)atie doet aen tvoirs(creven) hoff van/ ouden ty(m)meri(n)gen decken oft plecken die sal de wy(n)ne/ op zijne(n) cost doen maken Ende alle dese vorw(er)d(en) (et)c(etera)/ cor(am) bouchout naen junii xiiii