Vand(er) aenspraken gedaen bij willem(me) van assche als/ meye(r) van loven(en) in absen(tien) he(re)n lodewijcx pynnocx/ ridd(er)s meyers van loven(en) op loyen melijs sinte/ pet(er)sman van loven(en) inde banck voir meye(r) en(de) s(in)[te]/ pet(er)sma(n)nen van loven(en) van kue(re)n en(de) brueke(n) van/ vier hollansgul(den) den instrumente(n) en(de) gevischten/ visschen die hij hem eyschte van dat hij (contra)rie/ zeke(re)n ordinan(tien) en(de) geboden gevischt soude hebben/ in wate(re)n oft laken ond(er) de heerlich(eyt) van west(er)le/ seggen(de) datme(n) h(ier)aff jairlijcx de gebode(n) ald(air) pleech/ te doen(e) en(de) dat int voirleden jair gebode(n) hadde/ geweest dat nyemant wie hij wae(re) van buyte(n)/ tvoirs(creven) lant geseten en soude moege(n) vischschen/ in wate(re)n oft lake(n) opde pene voirs(creven) en(de) dae(re)ntinde(n)/ alnoch gecorrigeert te zijne nae goetduncken(e) d(er)/ wethoud(er)s ald(air) en(de) dat [dat] oeyt ald(air) ond(er)houde(n) hadde/ geweest dat voirt deselve loy melijs bijde(n) diene(re)n/ m(ijn) hee(re)n van merode in zijnd(er) heerlich(eyt) van west(er)le/ gecalengeert hadde geweest en(de) dat hij gekint/ hadde voir m(ijn) hee(re) en(de) sijn wethoude(re)n dat hij
//
ond(er) sijn heerlicheyt gevischt hadde oft hulpe(n) visschen/ en(de) datme(n) he(m) zed(er) paesschen ald(air) hadde zien visschen/ en(de) dat hij met meer ande(re)n en(de) oick de vissche gecaleng(er)t/ wae(re)n en(de) dae(re)nbove(n) hadde hij de vissche met he(m) gedrage(n)/ en(de) dat dingeseten(en) ald(air) d(air) ov(er) aen he(re) en(de) wet clachtich/ ware(n) come(n) ov(er) loye en(de) meer ande(re) d(air)inne gheen sacht/ hebben(de) want zij buyten woenachtich ware(n) dat voirt/ loye ald(air) aengetast en(de) he(m) geseecht s(in)te pet(er)sman te wesen/ de drossete ald(air) he(m) p(rese)nteerde hadde hij willen ald(air) voir/ scepen(en) gelove(n) te rechte te staen(e) oft bescheit te bringen van/ zijne(n) s(in)te pet(er)sma(n)scape he(m) tontslane en(de) dat loy dat/ niet doen en woude dat voirt men van geliken/ saken ald(air) kue(re)n en(de) brueke(n) hadde gehave(n) Dese pointe(n)/ op [dat] he(m) die wordden ontkint p(rese)nteerde de voirs(creven) meye(r)/ te thoene(n) en(de) mette(n) mynsten te gestaen(e) hopen(de) wair hij/ dat conste gedoen dat de voirs(creven) s(in)t pet(er)sman gehoude(n)/ soude zijn de voirs(creven) kue(re)n te voldoen(e) hem des getroesten(de)/ totten rechte Dair tege(n) de voirs(creven) s(in)te pet(er)sman hem/ v(er)antwerden(de) en kinde niet volcomelijck des meyers/ bijleggen bezund(er)t van datmen van gelijcken kue(re)n/ ald(air) gehaven soude hebben noch oick meer ande(re) pointe(n)/ van smeyers v(er)mete dede seggen en(de) p(rese)nteerde te/ bewijsen oft hem ontkint wordde dat t(er) plaetsen/ dair de drosseyt van west(er)le seggen wilt dat loy/ gevischt soude hebben eenyegelijck geplogen heeft te/ visschen(e) sonder e(n)nige calangie kue(re)n oft brueken d(air)aff/ te geven en(de) sond(er) te wete(n) van e(n)nigen v(er)boden dan/ zed(er) dat hij loey d(air) gecaleng(er)t mach sijn geweest dat/ voirt deselve loy aengetast en(de) gevangen es geweest/ op tslot te west(er)le en(de) met zwae(re)n yseren aen sijn/ beenen gelijck eene(n) mesdadigen die lijff oft let/ v(er)buert hadde bove(n) dien dat hij he(m) geseecht hadde/ s(in)te pet(er)sman te wesen en(de) datmen hem and(er)s niet en/ dede dan men eene(n) s(in)te pet(er)sman sculdich was te doen(e)/ hopen(de) wair hij dese pointe(n) gethoene(n) conste dat hij/ d(er) aenspraken ongehoude(n) soude zijn te voird(er) want/ hij p(rese)nteerde zijne(n) eedt dat hij noeyt en hoirde oft/ en wiste dat v(er)boden was voe(r) d(er)tijt dat hij gecaleng(er)t
//
was Es gewijst bijden s(in)te pet(er)sma(n)nen van loven(en)/ t(er) manissen smeyers naden thoen ind(er) saken in wed(er)/ zijden gehoirt d(er) p(ar)tien in beyden zijde(n) vonneslijck/ toe gewijst wae(re)n en(de) dair de meye(r) niet volcomel(ijck)/ sijns v(er)meets en volquam en(de) de voirs(creven) loy thoende/ volcomelijck sijn v(er)met soe v(er)re de voirs(creven) loy/ s(in)te pet(er)sman den voirs(creven) eedt doet soe hij dien/ gep(rese)nteert heeft dat hij in dien gevalle der/ aenspraken ongehoude(n) sal sijn lata cor(am) h(er)meys/ pynnock grave(n) henr(icus) vand(en) borch homi(ni)b(us) s(an)c(t)i petri/ in scampno augusti xi