Item anthonis vander heyden smet heeft geloeft/ te betalen(e) gielijse le(m)mens den oude(n) thien rinsg(ulden)/ te xx stuv(er)s tstuck te weten(e) alle weken voirtane/ twee stuv(er)s inne gaen(de) op van in sat(er)daige naistc(omende)/ over acht daigen tot dat al bet(aelt) sal zijn ende ten/ huyse desselfs giel(ise) van tijde te tijde te bringen(e) Op/(con)d(itie) oft hij twee weken liet verstrijken sonder hem/ te betalen(e) dat al gevallen sal zijn ende dat de/ selve giel(ijs) alsdan sal moegen gaen panden en(de) die/ vercoepen sond(er) voirde(r) rechtvorderi(n)ge(n) te derven/ doen Heeft oic [geloeft] de selve anthonijs zij(n) have niet te/ mi(n)de(re)n mair te meerde(re)n cor(am) horst sub(stitu)[to] burg(imagistr)[o]/ decembr(is) t(er)cia