Tusschen daneele van halleer v(er)pacht hebbende dweegelt/ vander hoefpoirte(n) t(er) eenre ende g(er)de ke(m)pene(re) compare(re)nde/ voe(r) den raide vander stadt vanden weeghelde dat de/ selve daneel hem eyschte van dat hij te meer div(er)se stonde(n)/ met sijne(n) wagen(en) ende p(er)den geladen met houte(n) oft and(er)s/ comen was te des(er) stadt weert aene tot voir en(de) aen de/ poirte ende om zijn weeghelt te scouwen(e) omgevae(re)n ende/ geslagen was de vesten ende alsoe t(er) percpoirten incomen(de)/ Dwelc deselve daneel hielt alsoe niet te moegen gescied(en)/ e(m)mer de selve gheert en soude hem zijn weeghelt bij [van] dien/ betale(n) gelijc oft hij met sijne(n) geladen(en) goed(en) bynnen doir/ zijn poirte comen wae(r) D(aer) tegen de selve gheert hem/ oppone(re)nde seyde zijn weegelt verdingt te hebben(e) aend(en)/ / pechtene(r) vanden weeghelde vand(er) p(er)cpoirte(n) diens/ moet hij gecrighen hadde ende alsoe en mocht hij soe/ hij seyde met gheene(n) twee roeden geslagen zijn noch/ dobbel weghelt van eenen goede gheven den voirs(creven)/ daneele de (contra)rie sustine(re)nde Es uuytgesproken p(ar)tien/ int lange gehoirt dat de selve gheert gehouden soude/ zijn des voirs(creven) daneels moet te gecrigen(e) van des hij/ d(aer) verbij gevae(re)n hadde ende aen zijn hofpoirte comen(de)/ geladen die gelaten hadde ende o(m)me geslagen was en(de)/ dat de selve gheert ende ande(r) van gelijcken alsoe ald(aer)/ geladen comen(de) ende dan o(m)meslaende om dande(r) poirte/ inne te comen(e) voirtaene aende selve hoefpoirte dweegelt/ betalen sulle(n) gelijc oft d(aer) doe(r) voe(re)n In (con)silio op(idi)/ decembr(is) xxiiii