Opde questie gepoirt voe(r) den raide vand(er) stadt/ tussche(n) denijse van du(n)nemelck als p(ro)cur(eur) henricx zijns/ vaders t(er) eenre ende henr(icke) loets en(de) steven(e) van ermbeghe(m)/ als bedesett(er)s sdorps van lynden t(er) and(er) zjden om der/ beden wille die deselve bedesetters eyschten den selve(n)/ henr(icke) du(n)nemelc van zijnen goeden te lynden aengaen(de)/ den peyse van danebroeck d(aer) voe(r) de selve henrick/ te lynden in hachten wesen(de) hem als poirte(r) van des(er)/ stadt hadde doen uuytscriven ende alsoe h(em) te rechte/ / comen(de) bij zijne(n) procur(eur) als voe(r) tegen de selve/ bedesetters heeft hij geallig(er)t d(aer)van betaelt te hebben(e)/ xvii rinsgulden(en) van voirleden(en) payen d(aer)mede zijn/ vad(er) soe hem dochte genoech gelast was ende voldae(n)/ hadde mocht hem gelijc gescied(en) nae gelegenth(eit) van/ zijns vaders goed(en) ende bewinde die nu onder/ lynden niet en woende mair ond(er) loeven(en) vanden/ geheele(n) peyse van danebroeck met meer ande(re)n langen/ reden(en) bijden selven procur(eur) geallig(er)t tende(re)nde tot zijnd(er)/ co(n)clusien Dair tegen de selve bedesetters t(er) (contra)rie(n) sustine(re)nde/ alleg(er)den dat zij bedesetters wae(re)n beoirl(ijc) gecoren bij/ die vanden dorpe ende d(aer)toe geeedt ende navolgen(de)/ den selve(n) hue(re)n eede ende den bewinde bedrive goed(en)/ en(de) rijcdo(m)me die de selve henr(ic) ond(er) he(n) te lynden hadde/ t(er) tijt vanden selve(n) peyse van danebroeck en(de) tot nu/ onlancx toe als hij van dair vertoech hadden zij he(m)/ gequete(n) inde(n) selve(n) hue(re)n eedt alsoe zij dat voir/ god ende in hue(re)r (con)scien(cien) souden willen ende weten/ te verantw(er)d(en) sond(er) hem e(n)nichss(ins) d(aer)inne te v(er)lasten/ Ende want de voirs(creven) p(ro)cur(eur) alleg(er)de he(m) niet behoirl(ijc)/ gecosen te wesen noch eedt gedaen te hebben als voe(r)/ ende altijt p(er)sisteerde inde verlastinge die zijne(n) vad(er)/ in dien soude zijn gebuert dat zij boven de voirs(creven)/ xvii rinsgulden(en) bij hem d(aer)voe(r) betaelt noch hebben/ wouden xvii r(ins)g(ulden) d(aer) allen zijns vaders goet ald(aer)/ gelegen soe hij seyde boven de co(m)me(re)n d(aer) uuytgaen(de)/ niet boven de vi mudde(n) corens tsjairs weert en/ was d(aer) hijt yemande diet aenstonde op goede/ vestich(eit) soude wille(n) voe(r) uutgeven ende zijns vad(er)s/ bewint ald(aer) moch hebben gedragen twee oft drie/ coeyen ende soe vele p(er)den soe waest en(de) soude zijn/ soe hij seyde een onfermelijck dinck d(aer)inne soe vele/ gelaste te wordden D(aer) tegen de bedesetters gaven te/ kynne(n) de (contra)rie van des voirs(creven) p(ro)cur(eur)s voirnemen(en)/ / hen verwonde(re)nde dat de selve p(ro)cur(eur) niet en ae(n)sach/ de grooth(eit) vand(er) so(m)men vanden selven peyse tot/ hue(re)n laste comen(de) ende de luttelheyt en(de) de g(r)[o]te armoede/ vand(en) p(er)soenen ende goeden die hen d(aer)inne te hulpen/ quamen soe dat hen mits dien quiten(e) hen selven/ in hue(re)n eede van noode was de rijcxste ende/ beste gestaedde d(aer)inne te lasten ende de arme dies/ niet en v(er)mochten te verlichten nae alle gelegenth(eit)/ Es uuytgesproken bijden raide vand(er) stadt p(ar)tien/ int lange gehoirt eve(n)verre de voirs(creven) bedesetters/ doen blijcken den rechte genoech zijnde dat zij behoirl(ijc)/ bijd(en) gemeyne(n) dorpe tot bedesetters gecoren zijn geweest/ ende d(aer)toe behoirl(ijcke) eedt hebben gedaen ende d(aer)entind(en)/ bijd(en) selve(n) hue(re)n eede clee(re)n dat zij den selven henrick(e)/ van zijne(n) goeden ende bewinde ald(aer) hebben gesedt/ nae gelegenth(eit) vanden selven zijne(n) goeden state en(de) bedrive/ sonder hem bij ande(re)n in dien te verlasten dat hij in/ dien gevalle de selve beede bij hen he(m) geeyscht en(de)/ op hen ende op zijn goede ende bedrijff sculdich sal/ zijn te betalen Act(um) in (con)s(ili)[o] opidi ambobus burg(imagis)[tr(is)]/ et plu(r)ibus aliis tam scabinis q(uam) (con)siliariis p(rese)ntibus/ januarii xxiiii