Want willem van leefd(ale) als procur(eur) baud(ewijn) henry/ geleydt zijnde nae des(er) stadt recht voir zijn wettich/ gebreck uuyt crachte van scepen(en) brieven van loeven(en)/ tot allen den goeden beyde have ende erve thiery wile(n)/ renar sone wijlen reynar van viller soe wair/ die gelegen zijn hem met brieven van des(er) stadt/ gescreve(n) aenden allen officie(re)n alle de selve goede behoirl(ijc)/ heeft doen leve(re)n ende den cleynen reynar van viller/ en(de) ande(r) dach van rechte te comp(ar)e(re)n inde banck voir/ meye(r) ende scepen(en) van loeven(en) doen besceyden oft hij/ hem tegen de voirs(creven) leveri(n)ge ende dachbesceydinge/ hadde willen oppone(re)n Aldair hij op hed(en) als ten/ v(er)streken(en) daige niet gecomp(ar)eert en es noch p(ro)cur(eur)/ van zijne(n) wegen den voirs(creven) geleydden comp(ar)e(re)nde/ ende trecht voirt versueken(de) soe verre dat de/ scepen(en) van loeven(en) t(er) maniss(en) smeyers nae dat hen behoirl(ijc)/ bij resc(ri)pte jehan de dompmartin baillu van ha(n)nut gebleken heeft/ tvoirs(creven) exploit gesciet te zijne gewesen hebben voir/ een vo(n)nisse Wair de wed(er)p(ar)tie des voirs(creven) geleydden/ niet en comp(ar)eert ten opstaen(e) smeyer ende der scepen(en)/ datmen den selve(n) geleydde(n) vanden voirs(creven) goeden houde(n)/ soude inde macht van zijne(n) beleyde scepen(en) brieve(n)/ ende leveri(n)gen alsoe verre alst noch voir scepen(en) come(n)/ es in scampno febr(uarii) iiii[ta]