Op heden es bijd(en) raide vand(er) stadt comen beatrix docht(er)/ jans wijlen ack(er)mans die dede lesen tregist(er) en(de) prothocol/ d(er) scepen(en) van loeven(en) vand(en) jae(re) van lxxix octobr(is) xviii eend(er)/ buyten gued(inge) van (½) mudde corens erfpachts bij huer v(er)cregen/ op seke(r) goed(en) jans vand(er) bueken en(de) zijnd(er) kinde(re)n te/ hag(er)srode inde p(ro)chie van bierbeke geleg(en) vand(en) welk(en)/ den brief gegrosseert was en(de) gehacht bij woute(re)n ack(er)man/ die dien stont te geven(e) en(de) want dien hue(r) ontvreemt ende/ ongereert gemaict was bij die vand(en) g(er)den en(de) zij noch d(aer)af/ in possesien was als ongequeten ongelost en(de) onv(er)cocht soe/ zij dair af p(rese)nteerde te doen(e) hue(re)n behoirlijken eedt soe/ beg(er)de zij oetmoedel(ijc) refor(ma)tie van dien Op dwelc den/ raidt vand(er) stadt ripel(ijc) gelet hebben(de) en(de) hue(re)n eedt d(aer)op/ ged(aen) wesen(de) des zij alless(ins) volquam geconsenteert heeft/ inde selve reformatie en(de) den brieff alnoch h(ier) bliven(de) op ave(n)tue(r)/ oft den ontvreemd(en) noch vond(en) wordde desen ger(e)formeerd(en)/ dan te a(n)nichele(re)n huer nochtans met des(er) ger(e)formeerd(en) behulp/ ged(aen) te w(er)d(en) gelijck hue(r) metten ontvreemd(en) gebue(re)n soude/ moegen oft dien bijd(er) hant wae(r) in consilio opidi feb(ruarii) xxi