SAL7387, Act: R°342.3-V°342.1 (586 of 885)
Search Act
previous | next
Act R°342.3-V°342.1  
Act
Date: 1494-02-26

Transcription

2019-09-09 by kristiaan magnus
Nae dien dat comen zijn bijd(en) raide vander stadt/
lijsbeth swolfs [en(de)] jan van landen(en) dair de selve lijsbeth/
hen eysschen(de) was eene(n) leeu van hueri(n)gen en(de) hue(re)n/
halloon te weten(e) een vouwe eene(n) vlessen(en) voirscoot/
eene(n) wercken(de) voirscoot elck van beyden van vijff/
vie(re)ndeele(n) ende ii(½) ellen lijnens lakens en(de) een pair/
gelaptt(en) scoenen dat zij bij hem gewoent en(de) gedient/
hadde ende noch seven stuv(er)s vand(en) vroeyvrouwen/
die zij betaelt hadde der vroeyvrouwe(n) van alsulken/
kinde als zij van hem gehadt hadde d(aer)af zij hem den/
eedt deylde oft selve p(rese)nteerde te doen(e) dat hij huer/
dat dueghdelijck sculdich xas D(aer)op de voirs(creven)/
jan van landen(en) navolgen(de) hue(re)r p(rese)ntatien huer den/
eedt gedeylt heeft Navolgen(de) den welken zij hue(re)n/
eedt gedaen heeft dat hij huer des voirs(creven) steet/
/ dueghdelijck sculdich was Es geappointeert ende/
uutgesproken bijde(n) raide vand(er) stadt dat de voirs(creven)/
jan van landen(en) sculdich sal zijn den eysch der voirs(creven)/
lijsbetthe(n) te voldoene metten coste(n) van rechte in/
cons(ili)o opidi febr(uarii) xxvi
Contributorskristiaan magnus , Karel Embrechts
Moderated byKarel Embrechts
Last update: 2017-02-25 by kristiaan magnus