Nae dien heeft de voirs(creven) ph(ilip)s noch eysch gemaict opde/ opde voirs(creven) wed(uwe) van eenen p(er)de dwelc zij buyten zijne(n)/ consente en(de) weten(e) soe hij seyde vercocht hadde veertich/ gulden(en) dwelc zij voir xlvi oft meer niet g(er)ne gegeven/ en hadde bege(re)nde d(aer)aff restitutie als dat he(m) genoech/ soude moege(n) zijn D(aer)op de voirs(creven) weduwe seydt dat zij/ / tselve p(er)t hem buyten lants wesende mits hue(re)n/ gebreken te hemw(er)t die groot wae(re)n d(aer) zij niet en/ hadde co(n)nen toe geraken nae recht behoirlijc v(er)cocht/ hadde gelijc men dat in gelijcken stucken van h(er)berghiers/ pleech te ha(n)te(re)n huer des gedragen(de) totten meye(r) en(de) dienae(re)n/ die d(aer) bij geweest hadden hopen(de) d(aer)van alsoe o(n)gehouden/ te zijne behalve(n) dat zij hem p(rese)nteerde te cortten de/ voirs(creven) veertich gulden(en) aende schult die hij huer sculdich/ was hopen(de) d(aer) mee te gestaene Es get(er)mineert en(de)/ uuytgesproken soe verre de voirs(creven) wed(uwe) doet blijck(en)/ dat p(er)t nae recht vercocht te zijne soe dat behoirt/ dat in dien gevalle vanden eyssche desselfs ph(ilip)s in/ dien ongehouden zal zijn gestaen(de) met hue(re)r p(rese)ntatien/ cor(am) eisdem