Want machiel helmichi als procur(eur) vanden he(re)n ende/ meest(er)s vand(en) distributie(n) der capellaneij der kercken/ / van sinte pet(er)s te loven(en) die nae des(er) stadt recht voir/ zijn wettich gebreck uuyt crachte van scepen(en) brieve(n)/ van loven(e) come(n) en(de) geleydt es tot alle(n) den goeden/ beyde have ende erve henricx van dailhem wille(m)s/ couwens henricx van ned(er)hem al(ia)s nussens hubrechts/ van ende ende willems van daelhem zoe wair die/ geleghen zijn hem met eene(n) open(en) brieve van des(er)/ stadt gescreve(n) aen allen officie(re)n alle deselve goede/ behoirl(ijc) heeft doen leve(re)n ende den voirs(creven) p(er)sone(n) hue(r)/ weduwe kinde(re)n ende erfgenamen dach van rechte alh(ier)/ te co(m)pare(re)n in de banck voir meye(r) ende scepen(en) van lov(en)/ oft zij hen dair teghen hadden wille(n) oppone(re)n doe(n) besceid(en)/ Aldair zij niet gecomp(ar)eert en zijn noch nyemant van/ hue(re)n weghen ende de voirs(creven) geleydde compare(re)nde trecht/ voirt versocht hebben soe hebben de scepen(en) van lov(en)/ t(er) manissen smeyers nae dat hen behoirlijck heeft gebleke(n) bij/[resc(ri)pte wille(m)s va(n) vlasselair smeyers van cumptich ende oick] bij rapporte jans dridoon des(er) stadt bode tvoirs(creven) exploit/ behoirlijck gesciet te zijne [bijd(en) meyers va(n) houthem] gewijst hebben voir een/ vo(n)nisse Wair de wed(er)p(ar)tie der voirs(creven) geleyd(en) niet en com/ p(ar)eert voe(r) den opstaen(en) smeyers en(de) der scepen(en) datme(n)/ deselve geleydde vand(en) voirs(creven) goed(en) houden soude inde/ macht van hue(r) [zijnen] beleyde scepen(en) brieve(n) en(de) leveringhe(n)/ alsoe verre alst noch voir scepen(en) comen is in sca(m)pno/ maii ultima