Vander questien gecomen bijden raide vander stadt/ tusschen foquetu(m) de ha(n)noma als procur(eur) ende voir/ gange(r) he(re)n wout(er)s henrici proefst van mabuyse(n)/ t(er) eenre ende he(re)n ende meeste(re)n janne de mo(n)tibus/ meest(er) ind(er) godh(eit) t(er) and(er) zijd(en) Ald(aer) de p(ro)cur(eur) des voirs(creven)/ proefst hem beclagen(de) [was] vand(en) pe(n)ningen bijd(en) voirs(creven)/ he(re)n en(de) meeste(re)n ja(n)ne de mo(n)tibus oft zijne(n) geco(m)mitteerd(en)/ alh(ier) ond(er) de wet gestelt om d(aer)mede te betalen(e) alsulk(er)/ xxxii gulden(en) als deselve proefst behouden heeft/ a(n)no lxxxviii april(is) penulti(m)a ende hem jairlijcx/ verschijnen(de) zijn opten yersten dach van meye opde/ woeni(n)ge desselfs he(re)n ende meesters jans de/ mo(n)tibus gelegen inde nyeustrate d(aer) voe(r) de selve/ hadde doen stellen achtien rinsgulden(en) en(de) vijff/ stuv(er)s in achtien me(n)nekens en(de) half stuv(er)s in/ voldoeni(n)gen d(er) selv(er) rinten v(er)schenen p(ri)ma maii/ lestleden sustine(re)nde ut(er)lijc dat hij niet sculdich/ en wa(r)e nae recht d(aer)mede te vred(en) te staene/ mair soude hebben ande(r) mu(n)te ons(s) genad(ichs) he(re)n/ in ande(re)n grote(re)n gevalueerd(en) gelde en(de) pe(n)ni(n)ghen/ hem des getroesten(de) totten rechte oft dat hij soude/ moege(n) voirtvae(re)n op zijne(n) pant als na recht/ behoiren soude D(aer)tegen jan van udekem als/ procur(eur) he(re)n en(de) meeste(re)n jans voirs(creven) sustineerde/ de (contra)rie allige(re)nde dat de voirs(creven) gesette pe(n)ni(n)g(en)/ wae(re)n mu(n)te en(de) gevalueerde pe(n)ni(n)g(en) ons(s) genad(ichs)/ he(re)n ende datmen met alsulken pe(n)ni(n)gen gelike/ betalinge daigelijcx doende was en(de) ontfangen/ moeste in ald(er)hande come(n)scapen en(de) ande(re)n ha(n)teri(n)g(en)/ / ende niet weyge(re)n en mochte sustine(re)nde alsoe/ in dien genoech gedaen te hebben met meer woird(en)/ in wersijden ten effecte voirs(creven) geallig(er)t Es bijd(en)/ selven raide h(ier)op gelet zijnde ov(er)sien hebben(de) de/ scepen(en) brieve(n) der rinten voirs(creven) get(er)mineert en(de) uuyt/ gesproken dat de voirs(creven) hee(re) en(de) meest(er) jan de/ mo(n)tibus niet gestaen en soude om de rinte voirs(creven)/ van xxxii rinsgulden(en) den andriesgulden(en) ge(re)kent/ te xlii stuv(er)s naed(en) tijde vand(er) assignatie(n) der selv(er)/ metten gesetten pe(n)ni(n)gen mair sal die sculdich zijn/ te betalen(e) soe verre die huer soude moegen strecke(n)/ in swae(re)n gelde de tweedeelen d(aer)aff met ald(er)hande/ grote gevalueerde pe(n)ni(n)gen en(de) mu(n)ten ons(s) genad(ichs) he(re)n/ nae uuytwijsen der lest(er) valuatien bijd(en) hee(re) en(de) [de] land(en)/ gemaict ende tderdendeel in gelijcken gelde oft half/ stuv(er)s der mu(n)ten als vo(r)e en(de) in egheene(n) pe(n)ni(n)gen van/ mi(n)deren prijse in (con)s(ili)[o] opidi cor(am) oliviers horst substi(tu)[t(is)]/ burg(imagis)[tr(is)] et aliis de cons(ili)[o] septembr(is) xviii