Nae dien jacop wittema(n) als procur(eur) wille(m)s/ lobbe inde banc voir meye(r) en(de) scepen(en) van loeven(en)/ bij zijne(n) gelev(er)den voirspreke heeft doen lesen/ een missive d(aer)mede jan vrancx als poirte(r)/ van loeven(en) hem heeft doen uuytscriven uter/ hachte(n) d(aer) inne willem lobbe oic poirte(r) he(m)/ hadde doen setten inde banck te campe(n)hout/ r(e)sorte(re)nde ten hoode en(de) aende he(re)n van uckele/ en(de) d(aer)toe zeke(r) hoetvo(n)niss(en) d(er) selv(er) he(re)n inde/ banck voirs(creven) geutent ende want de selve/ jan vrancx noch procur(eur) van sijnen wegen/ niet geco(m)p(ar)eert en es op heden als ten v(er)streken(en)/ / daige van rechte soe v(er)socht de selve pr(ro)cur(eur)/ die hem te rechte p(rese)nteerde wair hij niet/ en comp(ar)eerde vand(er) selv(er) saken die mits den/ hootvo(n)nisse voirs(creven) ald(aer) gehacht was tre(n)voy/ hopen(de) dat alsoe behoirde Soe hebben de scep(enen)/ van loeven(en) h(uer)op gemae(n)t zijnde gewijst met vo(n)niss(en)/ gelieft den selve(n) procur(eur) oft willem(me) dese p(rese)ntatie/ te doen(e) tekenen dat zij dat doen moegen/ en(de) hebben zij voird(er) gebreck dat zij dat volge(n)/ aenden borg(er)meest(er) in scampno septe(m)br(is) xix