Want jouffr(ouw) magdalene van meenssele wed(uwe) henricx/ wijlen vand(en) ynde die nae des(er) stadt recht voir huer/ wettich gebreck uuyt crachte van scepen(en) brieven van lov(en)/ comen en(de) geleydt es tot allen den goed(en) beyde have en(de)/ erve jans wijlen ylkarts katlijnen van hulslair sijnd(er)/ huysvr(ouwe) jans wijlen van hulslair ende g(er)ts wijle(n) ylkarts/ brued(er)s des voirs(creven) wijlen jans soe wair die gelegen sijn/ huer met brieve(n) van des(er) stadt gescreven aend(en) drossete/ van rotselair oft zijne(n) stadthoude(r) alle deselve goede/ behoirl(ijc) heeft doen leve(re)n ende den kinde(re)n en(de) erfgenamen/ der voirs(creven) p(er)soene(n) dach van rechte alh(ier) te comp(ar)e(re)n inde/ banck voir meye(r) en(de) scepen(en) van loeven(en) oft zij hen dair/ tegen hadden willen oppone(re)n bescheyden es geweest/ Aldair zij op heden niet gecompareert en zijn noch niema(n)t/ van hue(re)n wegen de voirs(creven) geleydde comp(ar)eren(de) en(de) trecht/ voirt versueken(de) soe verre dat de scepen(en) van loeven(en)/ t(er) maniss(en) smeyers nae dat hen bij rapporte gielis eveloege/ des(er) stadt gesworen(en) bode behoirlijc gebleken heeft de voirs(creven)/ leveri(n)ge ende dachbesceydinge gesciet te zijne vo(n)nislijck/ gewesen hebben Wair de wed(er)p(ar)tie vand(en) voirs(creven) geleydd(en)/ niet en comp(ar)reert voe(r) den opstaen(en) des meyers ende/ der scepen(en) datmen de selve geleydde houden soude inde/ macht van hue(re)n beleyde scepen(en) brieve(n) ende leveri(n)g(en)/ alsoe verre alst noch voir scepen(en) comen es in scampno/ julii iiii[ta]