Want joh(ann)es van nuwenborch als procur(eur) he(re)n augustijns/ wijlen vand(en) borchove(n) man ende mo(m)boir vr(ouwen) (christ)inen/ vand(er) borch zijnd(er) huysvr(ouwe) geleydt nae des(er) stadt recht/ voir zijn wettich gebreck uuyt crachte van scepen(en) br(ieven)/ van loeven(en) tot allen den goeden beyde have en(de) erve/ willems wilen cillen sone stas wijle(n) cillen en(de) villems/ wijle(n) cillen zijn neven sone reyners wijlen cillen brued(er)s/ des voirs(creven) wijlen stas soe wair die gelegen zijn hem/ met brieve(n) van des(er) stadt gescreven aend(en) meye(r) van/ ned(er)lynthe(r) oft zijnen stadthoude(r) alle de selve goede behoirl(ijc)/ heeft doen leve(re)n ende derfgename(n) der selv(er) willems wijle(n)/ cillen en(de) willems wijlen cillen en(de) den kercmeest(er)s van/ ned(er)lynthe(r) dach van rechte te comp(ar)e(re)n alh(ier) inde banck/ voi(r) meye(r) ende scepen(en) van loeven(en) doen besceyden oft/ zij hen d(aer) tegen hadden willen oppone(re)n Ald(aer) zij op/ heden als ten v(er)streken(en) daige niet gecomp(ar)eert en zijn/ noch nyema(n)t van hue(re)n wegen ende joh(ann)ese de vos/ als p(ro)cur(eur) des voirs(creven) he(re)n jans van molle altijt (com)p(ar)e(re)nde/ en(de) trecht voirt v(er)sueken(de) soe v(er)re dat de scepen(en) van/ loeven(en) t(er) maniss(en) smeyers nae dat hen behoirlijck/ gebleken heeft bij rapporte baud(ewijns) bellens des(er) stadt/ gesworen(en) bode tvoirs(creven) exployt [behoirl(ijc)] gesciet te zijne gewesen/ / hebben voir een vo(n)nisse wair de wed(er)p(ar)tie des voirs(creven)/ geleydd(en) niet en comp(ar)eerde voe(r) den opstaen(en) des meyers/ en(de) der scepen(en) datmen den selve(n) geleydd(en) vanden voirs(creven)/ goede(n) houden soude inde macht van zijne(n) beleyde/ scepen(en) brieven en(de) leveri(n)gen alsoe verre alst noch voir/ scepen(en) comen es in scampno nove(m)br(is) ix