Want arnoldus van vroenhoven [die] als procur(eur) jouffr(ouwe)/ m(ar)griete(n) wittema(n)s wed(uwe) joes wijlen absolens geleydt/ zijnde nae des(er) stadt recht voir zijn wettich gebreck/ uuyt crachte van scepen(en) brieven van loeven(en) tot allen den/ goeden beyde have ende erve willems schats willems/ ende machiels toppens gebruede(re)n en(de) lijsbetthe(n) toppe(n)s/ hue(re)r sust(er) zoe wair die gelegen zijn hem met br(ieve)/ van des(er) stadt gescreven aende meyers van buedi(n)gen/ oft hue(re)n stedehoude(re)n alle deselve goede behoirl(ijc) heeft/ doen leve(re)n ende den voirs(creven) p(er)soenen dach van rechte/ te compare(re)n alh(ier) inde banck voir meye(r) ende scepen(en)/ van loeven(en) oft zij hen d(aer) tegen hadden willen oppone(re)n/ besceyden es geweest Aldair zij op heden als ten v(er)streken(en)/ daige niet gecomp(ar)reert en zijn noch procur(eur) van hue(re)n/ wegen ende pete(re)n van dormale als procur(eur) der voirs(creven)/ jouffr(ouwe) m(ar)griete(n) wittema(n)s altijt comp(ar)e(re)nde en(de) trecht/ voirt v(er)sueken(de) soe verre dat de scepen(en) van loeven(en)/ t(er) manissen smeyers nae dat hen bij rapportte giel(is) eveloege/ des(er) stadt gesworen(en) bode behoirlijc gebleken heeft de/ voirs(creven) leveri(n)ge ende dachbesceydinge gesciet te zijne/ gewesen hebben voir een vo(n)nisse Wair de wed(er)p(ar)tie/ des voirs(creven) procur(eur)s niet en compareert voe(r) den opstaen(en)/ smeyers en(de) d(er) scepen(en) datmen den selve(n) geleydden ind(en)/ name als [voe(r)] houd(en) soude inde macht van sijne(n) beleyde/ scepen(en) brieve(n) ende leveri(n)g(en) alsoe verre alst noch voir/ scepen(en) comen es in scampno julii vi[ta]