Want jorijs de hont die nae des(er) stadt recht voir/ zijn wettich gebreck uuyt crachte van scep(enen) br(ieven) van/ loeven(en) comen en(de) geleydt es tot allen den goed(en) beyde/ have ende erve gerardts wijlen van crehain soe wair/ die gelegen zijn hem met willem(me) le(m)mens vorste(r)/ alle de goede desselfs wijlen gerarts behoirlijc heeft/ doen leve(re)n ende he(re)n janne van crehain prieste(r) sone/ des voirs(creven) wijlen gerarts dach van rechte doen/ besceyden alh(ier) inde banc voe(r) meye(r) ende scepen(en)/ van loven(en) oft hij hem d(aer) tegen hadde willen oppone(re)n/ Ald(aer) hij op heden niet gecomp(ar)eert en es noch p(ro)cur(eur)/ van zijnen wegen ende willem(me) van leefd(ale) als p(ro)cur(eur)/ des voirs(creven) jorijs comp(ar)e(re)nde ende trecht voirt v(er)sueken(de)/ soe verre dat de scepen(en) van loeven(en) t(er) maniss(en) smeyers/ nae dat hen bij cleernissen willems le(m)mens vorste(r)/ behoirlijc heeft gebleken de voirs(creven) leveri(n)ge ende/ dachbesceydinge behoirlijc gesciet te zijne gewijst/ hebben voir een vo(n)nisse Wair de wed(er)p(ar)tie des/ voirs(creven) geleydden niet en comp(ar)eerde voe(r) den opstaen(en)/ smeyers ende der scepen(en) datme(n) den selve(n) geleydd(en)/ vanden voirs(creven) goeden houden soude inde macht/ van sijne(n) beleyde scepen(en) brieven ende leveri(n)ge(n)/ alsoe v(er)re alst noch voir scepen(en) comen es in sca(m)pno/ nove(m)br(is) xviii