Item ende soe wa(n)neer roeloff willem sijn zone jouffr(ouwe)/ a(n)ne zijn docht(er) ende de mo(m)boirs van hue(re)n wettigen
//
de goede wijlen jans lobbe voir de voirs(creven) thien hollan(s)/ gulden(en) drie deelen van eene(n) hollansgulden(en) ende drie/ mudde corens erff(elijc) veroblig(er)t staende alsoe gelost zulle(n)/ hebben den rechte genoech zijnde dat e(m)mer de porceelen/ die der kercken van s(in)[t] jacops van dien toebehoe(re)n d(aer)aff/ alless(ins) ontslagen sullen zijn ende oic als de wed(uwe) ghijsbrechts/ wijlen lobbe ende hue(r) kinde(re) oft de voirs(creven) jacop baeck/ en(de) jorijs vand(er) strepen der selver krcken oft heyligeestgoede/ vand(er) biest van wien hen die aencomen zijn gelost/ zullen hebben van alsulck(er) zesse mudden rocx lijfpen(sien)/ als katlijne lobs natuerlijcke docht(er) ghijsbrechts wijlen/ lobbe die oem was des voirs(creven) wijlen ghijsbrechts/ opde selve goede bij vestich(eit) huer gedaen bij arnd(e) wijle(n)/ lobbe hue(re)n oem heffende es op de selve goede jans/ wijlen lobbe ende meer ande(re)n e(m)mer alsoe oic dat/ der selv(er) kercken ende heyligeests goede d(aer)aff geheelijc/ ontlast zijn dan en(de) niet eer sullen v(er)smelten doot/ en(de) te nyeute zijn alsulk(er) scepen(en) br(ieven) van loeven(en)/ van gelueften conditie(n) en(de) vorweerd(en) alse int jae(r) van/ tachtentich xxv augusti gedaen werdden bij ghijsbrechte/ en(de) willem(me) lobbe totten p(ro)fijte vand(er) selv(er) kercken en(de)/ oic alsulck(er) beleyt als d(aer) uuyt gedaen es gelijc g(er)t/ zeels als mo(m)boir en(de) giel(is) den mu(n)te(re) de jonge als/ clerck der voirs(creven) kercken geconsenteert hebben ende/ soe lange dat dit al aldus niet gedaen en(de) geheelijc/ volbracht en zal wesen zullen deselve brieve en(de)/i beleydt in hue(re)r macht bliven cor(am) eisd(em)