Vander questie(n) gecomen bijd(en) raide vand(er) stadt tussche(n)/ bastijne nauwens scrijnmake(r) t(er) eenre ende willem(me)/ geheeten de rese cleermake(r) t(er) ande(r) zijd(en) aengaen(de) vijff/ rinsg(ulden) te xx stuv(er)s tstuck die de voirs(creven) bastijn hem/ eyschte van huyshue(re)n van zijne(n) huyse staen(de) inde/ nyeustrate die alsnu te kersmesse naistcomen(de) te vallen(e)/ wae(re)n de welke hij versochte [al] betaelt te werdden(e) wa(n)t/ hij zijn huys hadde laten staen ende hoe wel hij tgoet/ desselfs willems hadde beslagen om totten sijnen te/ geraken(e) soe hadde de selve willem dat ewech gedaen/ ontslaen(de) tselve op eenen borge te weten(e) b(er)telmeeuse/ vasont sond(er) des voirs(creven) bastijns consente met welken/ borge hij niet te vreden en was versueken(de) alsoe gelijc/ voe(r) zijn vijff rinsgulden(en) van hem betaelt te hebben(e)/ D(aer) tegen de voirs(creven) willem maken(de) lanck verhael/ van des hem de voirs(creven) bastijn sijn conditien niet/ volbracht en hadde vand(er) hueri(n)gen te weten(e) dat/ zij gheen tafele in tijts gemaict en hadde sijnd(er)/ neeri(n)ge toebehoiren(de) d(aer) hij lange om hadde moten/ v(er)volgen ende dat hij de heymelijc ald(aer) staen(de) niet en/ hadde doen ruyme(n) soe dat bevorw(er)t was Soe hoepte/ hij dat selve acht(er)deel bij hem in dien geleden hem/ gerecompenseert soude wordden ende afslach doen met/ gelijck(er) woird(en) D(aer)van de voirs(creven) bastijn seyde de (contra)rie/ dat hij hem genoech in tijts vand(en) voirs(creven) tafelen/ v(er)sien hadde nae dien de selve willem een lange/ wijle tijts sieck hadde geweest ende die alsoe niet/ en behoefde ende hadde die alsoe naemaels gestelt/ dwelc de selve willem niet en conste ontkynnen/ / en was oick int stuck vand(er) heymelijc egheen/ m(er)kelijc gebreck geweest Sustine(re)nde alsoe dat al/ ydel ende ongesundert was tvoirnemen des voirs(creven)/ willems ende and(er)s niet en sochte dan uuytweg(en)/ om niet te betalen(e) Es get(er)mineert ende uuytgespr(oken)/ op al gelet zijnde bijden selve(n) raide dat de voirs(creven)/ willem sculdich soude zijn den moet te crigen(e) vand(en)/ voirs(creven) bastijne vand(en) voirs(creven) vijff rinsgulden(en) dair/ questie aff was in (con)silio opidi decembr(is) iiii[ta]