Item de voirs(creven) andries taelmae(n)s heeft geloeft den/ voirs(creven) symoen(e) p(ro)keels dat hij jairl(ijx) dragen ende alless(ins)/ tot zijne(n) laste neme(n) ende betalen sal alsulke vijff/ lichte gulden(en) erff(elijx) tsjars als lambrecht marie ende saeye/ wijlen van bloemendale bruede(re)n ende suste(re)n voir maels/ met scepen(en) brieven van loeven(en) bekint hebben sculdich/ te zijne den godshuyse van s(in)[te] berbelendale inder/ stadt van thienen ende den voirs(creven) symoen(e) p(ro)keels en(de)/ voirts sijn nacomelingen en(de) voirts alle de ghene/ die tvoirs(creven) godshuys d(aer) voe(r) soud(en) moege(n) pramen/ ende hue(r) goede d(aer)aff costeloes ende scadeloes houden/ ende ontheffen Want hem tvoirs(creven) tstuck beempts/ opden last d(aer) uuytgaen(de) ende opdat hij dese vijff lichte/ gulden(en) jairlijcx tzijne(n) laste alleene dragen soude/ bijd(en) voirs(creven) symone prokeels ov(er)gegoet es gelijc de/ voirs(creven) andries taelma(n)s alsoe bekint heeft cor(am) eisd(em)