Item collar de savillon als meye(r) van ottingniez/ die h(ier) bescreven was metten tweesten br(ieve) ten v(er)sueke/ pierart de basier poirt(er)s van loeven(en) om ontrasteert/ te hebben(e) zijn goede beco(m)mert ten v(er)sueke des he(re)n van/ sombreff ende om de g(ar)de d(aer) uuyt gedaen te w(er)den/ d(aer)aff den dach vanden selve(n) tweesten brieve op heden/ diende voe(r) den raide vand(er) stadt in cas van oppositien/ heeft hem in absen(tien) vanden selven pierarde op heden/ te weten in jairsdaige gep(rese)nteert voe(r) den selven raide/ ende gecleert de selve goede ontrasteert te hebben ende/ de g(ar)de d(aer)uuyt doen gaen in cons(ili)[o] opidi januarii/ p(ri)ma