Tusschen adriane van assche als aenlegge(r) t(er) eende(r) ende/ m(ar)grieten potent wed(uwe) jans wijlen de witte t(er) ande(re)/ co(m)pare(re)nde tegen malcande(re)n voe(r) den raide vander stadt/ uuyt saken vanden gebreken vand(er) pechtingen der moelen/ des voirs(creven) adriaens geheeten de redinge moelen die de/ voirs(creven) wijlen jan de witte in zijnen leven(en) te pachte/ genome(n) hadde eenen zeke(re)n tijt van jae(re)n noch due(re)nde gelijc/ deselve wed(uwe) dat bekinde Van welken gebreken hij vand(er)/ selv(er) wed(uwe) versocht voldaen te werdden als vand(er) gheend(er)/ die d(aer) inne zoe hij hielt nae huers mans doot gehouden/ was versueken(de) d(aer)op trecht Dair tegen deselve wed(uwe) bekynnen(de)/ genoech deselve pechtinge en(de) oic de gebreken die uuyt saken/ van dier noch onvoldaen mochten zijn zoe v(er)re deselve/ adriaen die verificeerde declareerde en(de) certificeerde behoirl(ijc)/ seggen(de) ten mynsten dat dat alsoe behoiren soude wa(n)t/ zij almocht hue(r) man die pechtinge aengegaen zijn niet/ en wiste wesmen d(aer)af aen adriane noch tachter was/ gem(er)ct dat meest(er) jan steenwinckele die pechtinge voirts/ ov(er)genomen hadde ende alsoe [huer] d(aer)aff was sculdich te/ ontheffen(e) wes hij oft de zijne dair hij die voirts/ aene bestaeyt mocht hebben d(aer)af tacht(er) mocht wesen en/ wist zij niet Dat adriaen nae begrijp der yerster pechti(n)gen/ hadde hem moegen alle quartie(re) jairs doen betalen hij/ hadde oic vele betalingen gehadt ende ontfangen vand(en)/ ghenen d(aer) die moele(n) gelijc voe(r) aen bestaet hadde/ geweest als vand(en) voirs(creven) meeste(re)n ja(n)ne steenwinckele/ oft zijne(n) pechtene(re)n voirs(creven) Ende zij hadde huer doen/ leyden voir hue(r) lossinge in desen tot desselfs meest(er)/ jans goed(en) deselve zijn goede huer doen leve(re)n en(de)/ inventarie(re)n d(aer)af hue(r) executie gescorst werdt mett(er)/ geestelijck(er) iur(is)dictie(n) Ende aldus p(rese)nteerde zij ad(ri)ane/ / hue(r) br(ieven) beleydt ende ande(r) bescheyt op meeste(re)n/ ja(n)ne ov(er) te geven om hem d(aer)mede te behulpen tot/ voldoeni(n)gen Dwelc nae hue(re)n staet huer niet mogelijc/ en wae(re) te doen(e) Niet te myn wes de he(re)n wethoude(re)n/ d(aer)af appointeerd(en) zij moest lijden en(de) duegen met/ meer woirden bij hue(r) geallig(er)t Op dwelc adriaen/ alligeerde al mocht hij betalinge voirmaels ontfa(n)g(en)/ hebben van meeste(re)n ja(n)ne oft den zijne(n) d(aer) mede/ en was hij sijns rechts van zijnd(er) pechtingen op/ hue(r) niet afgegaen oick dat hij betalinge alle q(ua)rtie(re)/ jairs hadde moegen nemen en(de) dat hij dat hadde/ laten ov(er)gaen dat en nam hem zijn recht niet aff/ soe hij hielt Ende aldus gedroegens hen p(ar)tien in/ wersijden totten appointeme(n)te vanden raide vand(er)/ stadt tegewoirdich zijnde es geappointeert ende/ uuytgesproken dat de weduwe gehouden soude zijn/ zijn pechtinge en(de) gebreken van dien te voldoen(e) soe/ v(er)re hij die behoirlijc cleerde declareerde en(de) verificeerde/ in cons(ili)[o] opidi p(rese)ntib(us) baets burg(imagistr)[o] et plu(r)ib(us) aliis/ de consilio julii vii