Vander questien gecomen bijden raide vand(er) stadt tusschen/ m(er)ten(e) ende goird(e) de(n) bubbele(re) inden name en(de) als p(ro)cur(eur)s/ vand(er) wed(uwe) bubbeleers hue(re)r moeder t(er) eend(er) ende marie(n)/ huysvr(ouwe) arnts vand(er) couthe(re)n t(er) ande(r) zijd(en) Ald(aer) de voirs(creven)/ gebruers te kynnen gaven ind(en) name als boven/ na dien zij dicwijle ende tot meer stonden ontboden/ hadden de selve marie en(de) hue(re)n man ten ynde dat/ de selve huer moeder ontslagen soude werd(en) van/ alsulken meysken als de voirs(creven) arnt behoud(en) heeft/ van hue(re)r beyder suster zijnd(er) tweest(er) huysvr(ouwe) dwelc/ de voirs(creven) marie wel tot sesse stonden der voirs(creven)/ hue(re)r moeder gesonden hadde bege(re)nde d(aer) van ontslagen/ te zijne ende dat de selve arnt ende zijn werdynne/ voirs(creven) dat sculdich soude(n) zijn taenverden(e) ende hue(re)r moed(er)/ in dien tontlasten(e) Dair van de selve p(ar)tien lestw(er)ve(n)/ bijden raide hadden geweest ende al wairt soe dat/ de selver geseet was dat zij he(m) d(aer)af ontlasten souden/ oft hue(re)n man bringen ende doen comen gem(er)ct dat hij/ hem acht(er)w(er)ts hielt om met malcande(re)n te ov(er)comen soe/ en was des niet gebuert bege(re)nde alsoe in desen de/ selve bedwongen te hebben met rechte om als voe(r)/ h(ier) van ontslagen te zijne D(aer)op de voirs(creven) marie seyt/ dat zij huer beste hadde gedaen om hem te doen come(n)/ / ende dat hij vand(er) hant was ende moeste huer/ houden bij huer vrind(en) tot der selv(er) hue(re)r vrinden laste/ ende dat zij niet en sage nae hue(re)r beyd(er) gelegenth(eit)/ dat zijt souden co(n)nen gehouden met meer ande(r) dier/ gelijck(er) woird(en) hopen(de) d(aer) van mits absen(tie) van hue(re)n/ ma(n)ne voirs(creven) ongehoude(n) te zijne Es get(er)mineert/ en(de) uuytgesproken bijden selve(n) raide soe v(er)re de voirs(creven)/ arnt metten voirs(creven) gebrue(re)n ind(en) name als boven/ niet en ov(er)quame in des(er) tusschen nu en(de) goensdaige/ naistcomen(de) dat zij sculdich soude zijn als huysvr(ouw)/ desselfs arnts de voirs(creven) p(ro)cur(eur)s ind(en) name als voe(r)/ tontlasten(e) vanden selven kynde en(de) dat te huerw(er)t mote(n)/ nemen en(de) houden sonder last vand(en) voirs(creven) oud(er)moed(er)/ vand(en) selven kinde in cons(ili)[o] opidi januarii xvii