Item want de voirs(creven) vercoepers de voirs(creven) goede ghe/ warendeert hebben ind(er) maten voirs(creven) en(de) zij niet en wete(n)/ oft d(aer) uuyt myn oft meer uuytgaen(de) mach zijn soe/ es vorweerd(e) tussche(n) deselve(n) coop(er)s [en(de) v(er)coep(er)s] oft d(aer) meer bevond(en)/ werdde uuytgaen(de) dan voirs(creven) steet dat dat den selven/ coop(er)s cortten sal aend(en) voirs(creven) rinsg(ulden) bijd(en) v(er)coep(er)s d(aer)/ aen behouden den d(enier) xviii ende oft min bevonden/ werdde dat dat den selve(n) vercoopers te baten comen/ sal tselve(n) bevond(en) zijnde oic den pe(n)ni(n)ck xviii Ende/ allet gene des vand(en) voirs(creven) goeden gaen(de) gevallen was/ opten dach dat kersken berde des heden viii dag(en) sijn/ incluys en(de) ombetaelt dat sulle(n) de vercoepe(re)n betalen/ en(de) de goede d(aer)aff lossen ende des d(aer) zed(er) aff gevallen/ es en(de) vallen sal dat sullen de coep(er)s draghen cor(am) eisd(em)