Opde questie gepoirt voe(r) den raide vander stadt/ tussche(n) goessen(e) vand(er) moelen die ald(aer) hadde doen bescrive(n)/ de bedesett(er)s van wynghe t(er) eenre en(de) ja(n)ne cluwens/ henr(icke) toppe [vacat]
//
en(de) willem(me) van wersbeke bedesett(er)s voirs(creven) t(er) ande(re)/ om der beed(en) wille die zij den selve(n) goessen(e)/ geeyscht hadden van zijne(n) goed(en) te wynge t(er) beden/ liggen(de) vele hoog(er) dan hij meynde d(aer)af sculdich/ te zijne en(de) alsoe hooge als zij gedaen hadde(n) den/ voirs(creven) ja(n)ne cluwens die ongelijck soe hij hielt/ rijker was en(de) bat gestaet van erfgoeden dan hij/ sonder aengesien te hebben dat hij onlancx op zijn goed(en)/ v(er)cocht hadde twee mudde(n) corens ende was he(m) d(aer)/ voe(r) doen afpanden eenen sijne(n) tabbart d(aer)af hij restitutie/ beg(er)de op redelijcke betalinge gelijc ande(r) zijns gelijcke/ nae advena(n)t van zijne(n) goed(en) Te voirde(r) want/ zijn erfgoede zoe zee(r) beco(m)mert wae(re)n dat hij nauwelijc/ d(aer)op en soude weten vinden te v(er)coopen en(de) te v(er)pand(en)/ een mudde corens erffelijc en(de) was zijn huysvrouwe/ cruepel wijf en(de) hue(re)r led(en) o(n)mechtich hebben(de) tsame(n)/ vier jonge kinderkens en(de) gedroech dese settinge/ xxxvii(½) st(uvers) gelijc en(de) alsoe hooge als de voirs(creven) jan/ cluwens hem selve(n) gesedt hadde P(rese)nte(re)nde dese/ pointen deselve goessen te thoenen oft hem die/ ontkint wordden en(de) metten mi(n)sten te gestaen/ D(aer) tegen de voirs(creven) bedesett(er)s antwerdden(de) ontkynden/ tvoirneme(n) vand(en) voirs(creven) goessen(e) e(m)mer int point/ vand(en) rijckdo(m)me dat de voirs(creven) jan cluwens bij nae/ noch soe vele goets soude hebben als de voirs(creven)/ goessen Ende oic ind(en) pointe vand(er) snoedich(eit)/ van goessens goed(en) es geappointeert en(de) uuyt/ gesproken den thoen des voirs(creven) goessens in des(er)/ aengehoirt die tvercoepen vanden twee mudde(n)/ corens op zijn goed(en) genoech cleerd(en) geschiet te zijne/ mair niet van noode Oick tpoint vand(en) cruepelh(eit)/ en(de) o(n)mechtich(eit) van zijnen wive gelast met vier/ cleyne kinderkens oick dat jan cluwens een/ der bedesette(re)n meer erfgoed(en) heeft dan goessen/ en(de) dat dat zij beyde eve(n)hooge geset sijn dat/ de voirs(creven) bedesett(er)s den voirs(creven) goessen(e) v(er)last hebbe(n)/ met hue(re)n sette(n) en(de) dat zij sculdich sulle(n) zij(n) he(m) in dien nairde(r)/ te besnijd(en) nae dat de wairh(eit) gedragen heeft in (con)s(ili)[o] op(idi) julii/ xxvi