Vander aenspraken die merck godevairts ged(aen) heeft/ inde banck voe(r) meye(r) ende scepen(en) van loeven(e)/ met zijne(n) gelev(er)den voirspreke op henr(icke) mijs en(de)/ zijn werdynne seggen(de) en(de) p(rese)nte(re)nde te thoenen op dat/ hem ontkint wordde yerst dat de huysvr(ouw) desselfs/ henricx mijs he(m) voirmaels geleent hadde xxviii/ rinsg(ulden) om he(m) d(aer) mede te gene(re)n in come(n)scape/ op vuege dat desselfs henr(icx) werdynne d(aer)aff/ staen soude te wynne(n) en(de) te verliesen Ten ande(re)n/ male dat nae de come(n)scape ende hanteri(n)g(en)/ van dien ende oic nae dien hij merck meer dan/ xxviii rinsg(ulden) d(aer) inne verloren hadde gelijc zij oick/ dat ten daige vand(er) rekeni(n)gen tussche(n) he(m) en(de) hue(r)/ ged(aen) genoech bekinde de selve merck hue(r) hadde/ moten vercoepen vi rinsg(ulden) lijftochte(n) ende hue(r)/ in dien geheel(ijc) afcortten de voirs(creven) xxviii r(ins)g(ulden)/ sonder dat zij he(m) van dien verliese ende scad(e)/ oic e(n)nich cortsel oft restoir ged(aen) hadde Ten/ derden male dat de selve vr(ouwe) henr(icx) werdi(n)ne/ gehaelt hadde tot zijne(n) huyse bynne(n) den tijde/ dat hij zij come(n)scape(n) met hae(re)n pe(n)ni(n)g(en) dede/ / de hellicht van eene(n) osse d(aer)aff dand(er) hellicht/ gout vii r(ins)g(ulden) Ten vierden male dat bauduin/ hue(r) sone tegen hem gecocht heeft eene(n) stalen boge/ om vier rinsgulden(en) ende dat de selve vr(ouwe) mijs/ zijn moed(er) d(aer)aff hue(r) pri(n)cipale scult gemaict hadde/ Ten v[ten] male en(de) lesten als de selve merck hue(r)/ vanden voirs(creven) gebreken gemaent hadde zij hem/ t(er) antweerd(en) hadde gegeve(n) dat zij he(m) d(aer)aff/ niet geve(n) en soude ende dat hij d(aer)af zijn/ recht mocht sueken Hopende voir zijn gelufte/ wair hij dese pointen aldus gethoenen conste den/ rechte genoech zijnde dat de selve henrick ende/ zijn wijff gehouden soud(en) zijn hem uuyt te reycken(e)/ de hellicht vand(en) xxviii r(ins)g(ulden) voirs(creven) insgelijcx/ de vii r(ins)g(ulden) vand(er) hellicht vanden ossen en(de) voirt/ de vier r(ins)g(ulden) vanden stalen(en) boghe he(m) des/ gedragen(de) totten rechte Tegen dwelc de voirs(creven)/ henrick mijs en(de) zijn wijff hen verantwerden(de)/ ontkinden dbileggen des voirs(creven) mercx seggen(de)/ en(de) hopen(de) dat hij dat alsoe nu(m)mermeer gethoene(n)/ en soude co(n)nen den rechte genoech zijnde met/ meer alligac(ien) luttel ten effecte dienen(de) Hebben/ de scepen(en) van loeven(e) t(er) maniss(en) des meyers/ mits den onkynnen(en) voirs(creven) den voirs(creven) mercke/ aenlegge(r) gewijst tot zijne(n) thoene die welke/ te dien daige d(aer)toe gestelt volcomel(ijc) ende/ geheel(ijc) met twee getuyge(n) ongebatteert gethoe(n)t/ heeft alle zijn voirmete(n) pointen voir(screven) Soe/ verre datde scepen(en) van loeven(e) ut(er) inder saken/ gemaent ende mits nootsaken van siecten d(aer)/ mede de voirs(creven) henr(ic) bestaen hadde geweest/ ende d(aer)aff de(n) scepen(en) hadde gebleke(n) genoech zijnde/ soe bij br(ieven) en(de) suppl(icatien) uuyt(er) cancelrien soe oic/ met c(er)tificatie(n) vand(en) p(ro)chiaen d(aer) onder deselve/ henr(ic) sieck lach om sake(n) van sluyte(n) salve(re)n/ / r(e)p(rodu)ce(re)n ende tvo(n)nis te uuten(e) geco(n)tinueert verstelt/ ende verhouden hadden als voe(r) tot op heden in absen(tie)/ en(de) mits non comp(ar)itie(n) vanden selven henr(icke) ende/ zijnd(er) werdi(n)nen oft huers p(ro)cur(eur)s den thoen voirs(creven)/ gevisiteert ende d(aer)op gelet gewijst hebben met/ vo(n)nisse dat de verweerde(re)n gehouden sullen zijn/ den eysch vand(en) aenlegge(r) te voldoene nae dat de/ wairheit gedragen heeft in scampno cor(am) o(mn)ibus/ scabinis dempt(is) kersmake(re) abs(oloens) m(ar)tii viii