Om te comen(e) totter zoenen vand(en) dootslage gedaen/ ende gep(er)petreert bij adriane h(er)wout(er)s sone wijle(n) wille(m)s/ / inde(n) p(er)soen van janne wijle(n) celle metse(r) sijn besproke(n)/ geloeft ende bevorw(er)t t(er) bet(er)niss(en) van dien de pointen/ geluefte(n) ende (con)ditie(n) hier nae volgen(de) Ende yerst sal/ de voirs(creven) adriaen sculdich zijn ende heeft geloeft te/ doen(e) een bedev(ar)t te roomen d(er)w(er)t te porren(e) bynnen/ zesse weken naistcomen(de) ende t(er) stont den selve(n) wech/ te volbring(en) nae dat hij geport sal zijn sond(er) erge(re)ns/ te letten te woene(n) oft te bliven wercken ten wa(r)e/ dat hem e(n)nich m(er)ckelijc letsel van ziecten toecomen/ mochte ende goede wairh(eit) nad(er) stadt recht d(aer)aff/ te bringen(e) genoech zijnde Ende soe wa(n)neer hij van/ d(aer) wed(er)om comen sal zijn sal hij d(aer)enbove(n) noch sculdich/ zijn en(de) heeft te doene eene(n) wech ten heylige(n) bloede/ en(de) d(er)werts te porren(e) bynne(n) zesse weken nae dat/ hij van roomen wed(er)comen sal zijn ende den selven/ wech [oic] gelijc vo(r)e nae dat hij d(er)w(er)ts geport sal zijn/ te volbringen sonder e(n)nichss(ins) te letten gelijc vo(r)e ende/ insgelijcx oic d(aer)aff goede wairh(eit) te bringen genoech/ zijnde oft inde stadt van dien weghe vanden/ heylige(n) bloede een jair lanc te doene doen alle/ vrijdaige een messe in sinte franciscus capelle ind(en)/ godsh(uys) vand(en) mi(n)d(er)bruede(re)n te loeven(e) voe(r) de ziele/ vand(en) aflivigen voirs(creven) In welck van beyden de/ voirs(creven) adriaen zijne(n) kuese hebben sal ende oft hij/ de messe(n) kose te doen doen(e) soe sullen die gedaen/ wordde(n) bij e(n)nigen prieste(r) die de g(ar)diaen desselfs/ godsh(uys) d(aer)toe ordine(re)n sal It(em) heeft voirt geloeft/ de selve adriaen te betalen(e) tot behoeff van sinte/ franciscus capelle(n) voirs(creven) zesse rinsg(ulden) eens te xx/ stuv(er)s tstuck tussche(n) dit en(de) s(in)[t] jansmesse naistcomen(de)/ volbet(aelt) te zijne boven de drie rinsgulden(en) die de/ selve adriaen alsnu betaelt heeft den g(ar)diaen vand(en)/ selven godsh(uys) als voe(r) tgebet vand(en) cloest(er)s en(de) voir twee/ dertichste die de selve g(ar)diaen van stonden aene sculd(ich)/ sal zijn te doene It(em) heeft voirt geloeft te geven(e)/ eene wassen kersse van eene(n) ponde sinte francisco/ voirs(creven) ende noch een wassen kersse van eenen/ / ponde sinte sebastiane ind(er) kercken van s(in)[te] pet(er)s/ te loeven(e) tussche(n) dit ende sondach naistc(omende) ende voe(r)/ de voirs(creven) zesse rinsg(ulden) eens es borghe bleven voe(r)/ den voirs(creven) ad(ri)aene adam van cav(er)chon que(m) ip(s)e/ ad(ri)anus promisit indempn(em) releva(r)e Ende want ad(ri)aen/ voirs(creven) bekint heeft dat ad(ri)aen van zallaken zijn oem/ hem dueghdelijck geleent heeft de voirs(creven) drie r(ins)g(ulden)/ die hij gelijc vo(r)e bet(aelt) heeft den voirs(creven) g(ar)diaene/ voir tvoirs(creven) gebet en(de) twee dertichste Soe heeft hij/ geloeft den zijne(n) oem die te r(e)stitue(re)n en(de) wed(er) te geve(n)/ altijt tzijnd(er) maniss(en) Ende dese gelueft(en) cond(icien) ende/ vorw(er)d(en) zijn gesciet ende gedaen sande(re)n celle metse(r)/ aenden welken de behoirlijcke zoene ende voetval/ op heden oic geschiet en(de) gedaen zijn cor(am) cav(er)chon vynck/ m(ar)tii ultima post pascha