Item zijn dese voirs(creven) uuytdaiginge ende guedinge gesciet/ bijd(en) voirs(creven) ghijsbrechte sonder p(re)judijs van zijne(n) voir/ scepen(en) br(ieven) ende oude(re)n rechte op (con)d(ici)[e] ende vorweerde/ en(de) met p(ro)testacie(n) dat hij mits des(er) egheenss(ins) en wilt/ sceyde(n) van zijne(n) voir en(de) oude(re)n recht mair altijt/ d(aer) inne bliven wilt en(de) oic op zijn ande(r) meer pand(en)/ d(er) selve(re)r zijnd(er) rinte(n) ende oick op vuege dat he(m)/ alle actie en(de) calangie d(aer)inne gevallen zijnde oft namaels/ vallen(de) afgedaen wordden ende oic sonder p(re)judijs van/ zijne(n) rechte d(aer) voe(r) peter boschman briede(r) inden/ roden leeu gesproken ende verantw(er)t heeft den selve(n)/ ghijsbrechte sijnen wive ende hue(re)n kinde(re)n hen ende/ hue(r) voirs(creven) rinte d(aer)aff scadeloes te houden(e) en(de) tontheffen(e)/ van welken gelueften de voirs(creven) jan zedele(re) den voirs(creven)/ pete(re)n voirt geloeft heeft scadeloes te houden ende/ te ontheffen cor(am) eisd(em)