It(em) arnt vand(en) velde sone gheerts vanden velde natuerlijcx/ in p(rese)ntia heeft gerenu(n)cieert en(de) afgegaen der questien die/ hij uutstaen(de) heeft inde banck voir meye(r) en(de) scepen(en) va(n) lov(en)/ tegen gheerde vand(en) velde voirs(creven) zijnen vad(er) aengaen(de)/ den opgaen(de) eycken bijd(en) voirs(creven) afgehouwe(n) en(de) d(aer) inne/ de voirs(creven) arnt meynde gericht te zijne op seke(r) gronden/ van erven gelegen te beckevoirt renu(n)cie(re)nde oic deselve/ arnt van alsulken thoene als hij in dien bij geleeght/ hadde d(aer)aff den dach op heden dienen(de) was kennen(de)/ hem in dien te des(er) instan(tien) behalven aengaen(de) den/ brieven inden selven processe geruert die de voirs(creven)/ gheert sijn vad(er) alh(ier) onder wet bracht mach hebben/ d(aer)aff deselve arnt de sone blijft op dbeloep van zijne(n)/ rechte in dien cor(am) beert kersmake(re) april(is) xv