Vander questien gecomen voir den raide vander stadt tusschen/ henricke bericx als procure(u)[r] van clase bericx zijne(n) brueder ter/ eende(r) ende jacoppe vredericx ende m(ar)gr(iete) bastijns zijnd(er) weerdy(n)ne/ woenen(de) te wezemale ter ande(r) zijde(n) Aldair de voirs(creven) henricx/ inden name als bove(n) te kynnen gaf hoe dat de weerdynne/ des voirs(creven) jacops in calangie gesteken was geweest ende gehoude(n)/ onder de banck van wespelair ende dat voir zeke(r) sculden oft/ actie(n) die de voirs(creven) claes bericx eysschen(de) was voir [en(de)] een de voirs(creven)/ jacop de poirterie van des(er) stadt aenveert mocht hebbe(n) Welke/ / sake de voirs(creven) jacop naed(er)hant als poirte(r) uuyt gescreven hadde/ ende zijn huysvr(ouw) in die(n) willen verantwerden hoopen(de) dat hij/ in dien verdoolt was ende dat de(r) sake sculdich ware gere(n)voyeert/ te wordden ter plaetsen van wespelair voirs(creven) te voirde(r) als voe(r)/ want de voirs(creven) weerdynne des voirs(creven) jacops voir daenveerd(en)/ vander poirterien aldair in hachte(n) en(de) calangien was geweest/ Dair tegen willem van lele als procur(eur) des voirs(creven) jacops/ sustineerde de contrarie gemerct dat hij jacop mo(m)boir was/ van zijnd(er) huysvr(ouwe) ende de clachten ende calangie die hij op/ hue(r) gedaen heeft ter plaetsen voirs(creven) alzoe gheen stadt g(ri)pen/ en conste gemerct dat oick van gheender sak(en) en was van/ come(n)scape oft neri(n)gen dair zijn huysvr(ouw) ende hij hen als/ h(er)bergiers als van eten(e) ende drincken(e) genere(re)n mochten zijn/ Ende gem(er)ct alzoe als voir dat hij mo(m)boir was van hue(r) en(de)/ de porterie van des(er) stadt aenveert hadde dat hij de selve/ zijn huysvr(ouw) soude moegen verantwerd(en) ende alzoe sculdich/ was alhier te rechte te stane he(m) des gedragen(de) totte(n) rechte Welke/ materie ierst bedinct was geweest bij p(ar)tie(n) voirs(creven) inde banck/ voir meye(r) ende scepen(en) van [loeven(en)] genoech ten effecte voirs(creven) de welke/ te weten(e) p(ar)tie(n) ende saken de selve scepen(en) voirs(creven) met vo(n)nisse/ ter maniss(en) des meyers gestelt hadd(en) voir den raide vand(er) stadt/ Es alzoe opde selve materie int lange gelet zijnde bij den/ voirs(creven) raide den selven p(ar)tie(n) uuytgesproken ende get(er)mineert/ voir recht dat de voirs(creven) henrick inden name als bove(n) met/ zijnen voirnemen(en) opde weerdynne des voirs(creven) jacops verdoolt es/ van de selve te wespelair te rechte te willen betrecken en(de)/ mett(er) calangie(n) en(de) co(m)meri(n)g(en) bij clase zijne(n) meest(er) op hue(r) aldair/ gedaen Ende dat deselve claes soe verre hij hue(r) yet eysschen(de)/ es oft den voirs(creven) jacoppe hue(re)n mo(m)boir dat sal de selve/ claes moegen doen alhier dair de voirs(creven) jacop als poirte(r)/ bevrijdt es in scampno cons(ili)[o] opidi ap(ri)lis xvi[a]