Item symoen vander hofstadt woenen(de) nu t(er)tijt te cleyn halleer/ in p(rese)ncia heeft gekint ende gelijdt dat hij des nu omtrent zeven/ jae(re)n geleden mach zijn ov(er)come(n) es met joh(ann)ese yngelb(er)ti procur(eur)/ van sinte b(er)nartsb(er)ghe alse dat de selve joh(ann)es van doen voirtane/ eenen t(er)mijn van xii jae(re)n doen naistvolgen(de) hantplichten en(de)/ gebruycke(n) soude gelijc zijn propre goet alle alsulke wynnen(de)/ landen als de voirs(creven) symoen liggen(de) heeft inde prochie van/ van cleyn haller voirscr(even) ende dat ov(er)mits der so(m)me(n) van/ / xxxiiii rinsgul(den) eens de welke de selve joh(ann)es den voirscr(even)/ symoene doen t(er) tijt voir doverbate(n) die hij vand(en) selve(n) goed(en)/ bynnen dien t(er)mijne van xii jae(re)n soude moegen hebbe(n) in/ gereede(n) pe(n)ni(n)g(en) betaelde Ende d(aer)enbove(n) dat de selve/ joh(ann)es jairlijcx die(n) t(er)mijn due(re)nde dragen en(de) betale(n) soude/ sonder symoens cost oft laste alle de chijse(n) en(de) pachten/ uuyte(n) selve(n) landen gaende aen wien dat ware soe in tijts dat/ die d(aer) voe(r) egheenssins beschadicht en soude(n) wordde(n) behalve(n) dat/ den selve(n) t(er)mijn geexpereert ende overleden zijnde de(n) voirs(creven)/ symoen zijn goede voirs(creven) alsdan wed(er)om aenveerde(n) soude/ cor(am) beert abs(oloens) ap(ri)lis xxiii