Tusschen mariss(en) van ned(er)hem vorste(r) te miske(m) eysschen(de)/ joh(ann)ese heyms xix(½) rinsguld(en) van vroentcosten tzijne(n)t/ verseten bij vier p(er)sonen van ned(er)lynthe(r) aldair uut/ laste vand(en) selve(n) joh(ann)ese geva(n)gen geseten hebben(de)/ en(de) opt vroentcost gegaen d(aer)aff voirmaels te weten(e)/ febr(uarii) xix lestleden zeke(r) appoi(n)teme(n)ten zijn gesciet/ van welken costen deselve joh(ann)es sustineerde ghelijck/ / verswairt te wesen soude hij dit moten gelden want hij/ hielt dat mariss(e) niet en soude co(n)ne(n) bewijsen sulke(n)/ teeri(n)ghe soe langhe en(de) van soe vele p(er)sonen tzijne(n)/ huyse gebuert te zijne dat die tot dier so(m)men co(m)me(n)/ soude(n) t(er) eenre ende dat den selve(n) joh(ann)ese t(er) ande(r) zijden/ nae dat mariss(e) hier aff geappointeert was tot/ zijne(n) thoen en(de) bewijs dien en(de) zwaricheyt afslae(n)de/ Es bij ov(er)geven(e) en(de) consente van beyd(er) p(ar)tie(n) middeli(n)ge/ en(de) appointeme(n)t gesciet dat deselve joh(ann)es den selve(n)/ mariss(en) betale(n) zal bynne(n) xiiii nachten naistcomen(de)/ thien rinsgulden(en) te xx stuv(er)s tstuck en(de) d(aer)mede ghe/ staen Act(um) in consilio opidi duffle burg(imagistr)[o] et aliis/ p(rese)n(ti)b[(us)] maii ultima