Want s(er)vaes opten berch nutertijt rintm(eeste)r der/ stadt van loeven(en) die nae der selv(er) stadt recht/ voir zijn wettich gebreck uuyt crachte van scepen(en)/ br(ieven) van loeven(en) comen ende geleydt es tot allen/ den goeden beyde have ende erve jans wijle(n) van/ ov(er)rijt ende jans wijle(n) van braken zoe wair die/ gelegen zijn hem met br(ieven) van des(er) stadt gescreve(n)/ aenden meye(r) van arsschot oft zijne(n) stadthoude(r) te/ langdorp alle de selve goede behoirl(ijc) heeft doen leve(re)n/ ende den kinde(re)n ende erfgename(n) des voirs(creven) jans wijle(n)/ ov(er)rijt ende jans wijlen [vand(er)] braken dach van rechte te/ comp(ar)e(re)n inde banck voir meye(r) ende scepen(en) van loeven(en)/ doen besceyden oft zij hen tegen de voirs(creven) leveri(n)ge ende/ dachbesceydinge hadden wille(n) oppone(re)n Ald(aer) zij op/ hed(en) als ten verstreken(en) daige niet gecomp(ar)eert en/ zijn noch procur(eur) van hue(re)n wegen den voirs(creven) geleydd(en)/ co(m)p(ar)e(re)nde en(de) trecht voirt versueken(de) soe v(er)re dat de/ scepen(en) van loeven(en) t(er) manissen smeyers nae dat hen/ / bij resc(ri)pte willems vand(er) hofstadt meyers van/ arsschot behoirl(ijc) gebleken heeft de voirs(creven) leveri(n)ge/ ende dachbesceydinge gesciet te zijne gewesen hebbe(n)/ voir een vo(n)nisse wair de wed(er)p(ar)tie des voirs(creven)/ geleydden niet en comp(ar)eert voe(r) den opstaen(en) smeyers/ ende der scepen(en) datme(n) den selve(n) geleydden vand(en)/ voirs(creven) goeden houde(n) soude inde macht van zijnen/ beleyde scepen(en) br(ieven) ende leveri(n)gen alsoe verre alst/ noch voir scepen(en) comen es in scampno januarii/ penulti(m)a