Item de voirs(creven) g(er)t yngelbrechts in p(rese)ntia heeft gekint/ ende gelijdt gehave(n) ende ontfangen hebben(de) van/ joh(ann)ese heyms als borge joes van mulcke de so(m)me/ van tweehondert ende dertich gouden rinsg(ulden) alse voe(r)/ tderdendeel van alsulken sesse hondert en(de) negentich/ gelijcke goud(en) guld(en) d(aer)inne de voirs(creven) joh(ann)es heyms/ als borge des voirs(creven) joes van mulcke met vo(n)nisse/ der scepen(en) van loeven(en) ten selve(n) g(er)de weerdt geco(n)de(m)pneert/ es geweest en(de) acht(er)volgen(de) den welken bij appoi(n)tem(en)te/ inden raide van brabant gegeve(n) geordineert es geweest/ tselve vo(n)nisse t(er) executie(n) gestelt te werdden(e) Welcke/ so(m)me van sessehondert en(de) negentich goud(en) guld(en) bij tractate/ tussche(n) den selve(n) g(er)de en(de) joh(ann)ese gemaict bij middele/ van m(ijn) hee(r) den cancell(ie)r en(de) ande(re)n he(re)n vand(en) raide/ in brabant geordineert es geweest betaelt te werdden(e)/ tot drie t(er)mijne(n) Te weten(e) deen derdedeel d(aer)aff te/ liechtmesse lestlede(n) dander derdendeel te beloken(en) paessche(n)/ naistcomen(de) ende tderde derdeneel bynne(n) der octaven/ vande(n) heylige(n) sacrame(n)te dair naistvolgen(de) et dit/ vande(n) voirs(creven) t(er)mijne van liechtmesse lestlede(n) Heeft/ voirt gekint ende gelijdt de selve gheerit gelijck voe(r)/ gehaven en(de) ontfange(n) te hebben(e) vand(en) voirs(creven) joh(ann)ese/ heyms als borge des voirs(creven) joes de so(m)me van acht/ rinsg(ulden) de welke hem bij appointeme(n)te en(de) ordinan(tien)/ van mijne(n) hee(r) den cancell(ie)r ende ande(re)n voirs(creven) toegevueght/ zijn geweest tot behulpe van zijnd(er) theeri(n)gen Heeft/ voirts alnoch gekindt [en(de)] gelijdt de selve gheerit gelijck/ voe(r) gehave(n) ende ontfangen te hebben(e) vand(en) voirs(creven)/ joh(ann)ese heyms als borge des voirs(creven) joes drie goud(en)/ hong(ar)sche ducate(n) als voe(r) zijn leystinge die de selve/ gherit bego(n)nen hadde te doen(e) opd(en) voirs(creven) t(er)mijn van/ liechtmesse lestleden ende d(aer)enboven heeft de selve// gherit alnoch bekint gehave(n) te hebben(e) vanden selve(n)/ joh(ann)ese heyms als borge des voirs(creven) joos de so(m)me/ van derthien rinsg(ulden) xvii st(uvers) vi mit(en) als vanden/ getaxeerd(en) coste(n) van rechte gebuert ind(en) p(ro)cesse/ dwelc de selve gerit gevuert heeft tegen den voirs(creven)/ joese van mulcke ende joh(ann)ese heyms als zijne(n) borge/ inde banck voir meye(r) en(de) scep(enen) van loeven(en) Scelden(de) d(aer)/ om de voirs(creven) gheerit vand(en) voirs(creven) so(m)men bij he(m) hier/ voe(r) bekint gehaven te zijne den voirs(creven) joh(ann)ese heyms/ volcomel(ijc) quijte Promitt(ens) null(atenus) alloqui sed war(andizare)/ prout cor(am) eisd(em)