Nae dien op hede(n) comen es bijd(en) raide vander/ stadt sacre bezuts p(rese)nte(re)nde seke(r) br(ieve) ons(er) gened(ichs) he(re)n/ inden name ende van wegen thoemaes mus d(aer)mede/ de selve onse gened(ichen) hee(re) scriven(de) was tvercoepen der/ goeden desselfs thoemaes die alh(ier) bij seke(re)n creditue(re)n/ desselfs te coepe gestelt wae(re)n uuyt crachte van gewijsd(en)/ vo(n)niss(en) in sursean(cien) te houden(e) viii oft xiiii daig(en) op/ hope dat de voirs(creven) thomas de selve zijn creditue(re)n/ soude moege(n) contente(re)n ende te vreden stelle(n) dair/ de selve creditue(re)n e(m)mers den meesten deel d(er) selv(er)/ niet p(rese)nt en wae(re)n ende besund(er)t die uuyt crachte/ van gewijsd(en) vo(n)nisse die nae recht te vercoepen/ hadden doen stellen Es geseecht bijd(er) wet den/ selve(n) diene(r) des voirs(creven) thomas dat de stadt soe/ verre he(m) dat aenghinc wel te vreden was tv(er)cope(n)/ en(de) dberren vand(er) kerssen op heden [dienen(de) some(n) v(er)stont] viii daige(n) te v(er)houden(e)/ op alsoe dat den ande(re)n creditue(re)n oic beliefde in sursean(cien)/ om te dien daige te dienen(e) op dats de selve thomas/ mette(n) creditue(re)n niet en ov(er)quame ende elken van/ hen dier vele was recht versueken(de) ind(er) mat(en)/ dien op heden soude moegen dienen Naeden welke(n)/ sijn geco(m)p(ar)eert de geleydde ende creditue(re)n in absen(cien)/ des voirs(creven) dieners hem ewech wesen(de) ende hebbe(n)/ gecleert tgroot acht(er)deel dat hen ende den coepers/ d(aer)inne gebue(re)n soude op dat dit verstelt werdde en(de)/ dat zij den coep(er) d(er) selver goed(en) voe(r) zijn int(er)est soud(en)/ moten instaen ende oic vand(er) condic(ien) inde cedele/ vand(en) vercoepen(e) bevorw(er)t die zij mits den uutstelle/ alsoe niet en soud(en) co(n)nen voldoen ende meer ande(r)/ acht(er)deele Versueken(de) alsoe want oick niet vele/ gesien en es geweest noch en betaempde naden/ rechte(n) vand(er) stadt datme(n) dier gelijck(er) uuytstellen/ soude(n) doen sond(er) (con)sent van p(ar)tien dat zij soud(en)/ moegen voirts vae(re)n met hue(re)n vercoepe vand(en)/ huyse desselfs thomas bynne(n) des(er) stadt gelegen/ inde mi(n)derbruer strate d(aer) van den dach op heden dienen(de)/ was Te weten(e) dberren vand(er) kerssen want die/ / over acht daigen v(er)cocht wae(re)n ende den slach/ gegeve(n) dair de p(ro)cur(eur) ende dienair desselfs thomaes/ bijwae(re)n sonder e(n)nige veranderi(n)ge nae recht t(er) (contra)rien/ te doene Het was oic al vertreck dat thomaes sochte/ niet ten vordeele vanden creditue(re)n mer tot hue(re)n/ acht(er)deele grot(er) scad(en) ende lasten ende in fraud(en) der/ selv(er) creditue(re)n sond(er) dat hij in meyni(n)gen was te/ volbringen(e) des hij te kynne(n) mocht geven Es ut(er)lijc/ bijd(er) selv(er) stadt nae dien zij h(ier)op gelet hadden dat/ zij den creditue(re)n lieten gewordden ende hue(r) recht/ vorderi(n)ge(n) (con)tinue(re)n soe nae d(er) stadt recht behoe(re)n/ soude sonder de selve te wille(n) beletten geven(de) tot dien/ den selve(n) credituers te kynnen(e) de br(ieven) ons(er) gened(ichs) hee(re)n/ voirs(creven) d(aer) die egheenss(ins) [d(aer) (con)se(n)t en hebbe(n) willen inne dragen] van voirde(re)n uuytstelle in/ dien te geven(e) Act(um) in (con)s(ili)[o] opidi martii xiii