Op heden inde banck voir meye(r) ende scepen(en)/ van loeven(en) es comen gheert vand(en) boeg(ar)de p(rese)nte(re)nde/ zijne(n) eedt te doene acht(er)volgen(de) den vo(n)nisse voir/ maels bijd(en) selve(n) scep(enen) t(er) maniss(en) smeyers gewesen/ tusschen hem en(de) peete(re)n goed(en)weert die hem/ aengesproken hadde als dat hij voir seke(r) costen/ van eene(n) geheeten henr(icke) seems gesproken soude/ hebben die tot libbeke bijd(en) selven pete(re)n in hacht(en)/ gestelt es geweest deylende hem d(aer)van den/ eedt den welken de selve p(rese)nte(re)nde en(de) ae(n)nam/ te weten(e) sijn ontscult in dien te doene als dat/ scepen(en) des gemaent zijnde soe hij te kynnen/ gaff gewesen hadd(en) zoe v(er)re hij zijne(n) gep(rese)nteerd(en)/ eedt dade dat hij d(er) aenspraken ongehouden soude/ sijn Es gewesen bijden scepen(en) hier op gemaent/ sijnde bijden meye(r) geliefde g(er)d(e) sijn p(rese)ntatie/ te doen(e) teken(en) dat hij dat doen mochte in/ scampno septembr(is) xiiii