Want jouffr(ouwe) m(ar)griete mottijns al(ia)s heyberchs wed(uwe)/ lod(ewijx) wijlen uuyt(er) hellicht als geleydt nae des(er)/ stadt recht voir huer wettich gebrec uuyt crachte/ van scepen(en) brieven van loeven(en) tot allen den goeden/ beyde have en(de) erve lambrechts wijlen voele(n) zoe/ wair die gelegen zijn huer met brieve(n) van des(er)/ stadt gescreven aend(en) meye(r) van ned(er)lynthe(r) oft/ zijne(n) stadhoude(r) alle de selve goede behoirl(ijc) heeft/ doen leve(re)n ende den kinde(re)n desselfs wijlen lambrechts/ dach van rechte te comp(ar)e(re)n inde banck voir meye(r)/ en(de) scepen(en) van loeven(en) doen besceyd(en) oft zij hen d(aer)/ tegen hadden wille(n) oppone(re)n Ald(aer) zij op heden als/ ten v(er)streken(en) daige niet gecomp(ar)eert en zijn noch/ oic procur(eur) van hue(re)n wegen ende meeste(re)n b(er)tel/ meeuse kyp secretar(is) d(er) stadt van loeven(en) als p(ro)cur(eur)/ der selv(er) jouffr(ouwe) comp(ar)e(re)nde en(de) trecht voirt v(er)sueken(de)/ soe v(er)re dat de scepen(en) van loeven(en) t(er) manissen/ smeyers nae dat hen behoirl(ijc) gebleken heeft bij/ rescripte jans taelma(n)s meyers van ned(er)lynthe(r)/ / de voirs(creven) leveri(n)ge ende dachbesceydinge gesciedt te/ zijne gewesen hebben voir een vo(n)nisse Wair de/ wed(er)p(ar)tie der voirs(creven) geleydd(en) niet en comp(ar)eert voe(r)/ den opstaen(en) smeyers ende der scepen(en) datmen den/ selven geleydde houden soude inde macht van/ hue(r) beleyde scepen(en) br(ieven) en(de) leveri(n)gen alsoe v(er)re/ alst noch voir scepen(en) comen es in scampno septe(m)br(is)/ xxiiii