SAL7387, Akte: V°131.2 (229 van 881)
Akte V°131.2
Act
Datum: 1493-10-03
Transcriptie
2020-10-22 door kristiaan magnusWant jan vernaliten als geleyt nae des(er) stadt recht/
voir sijn wettich gebreck uuyt crachte van scepen(en) br(ieven)/
van loeven(e) tot allen den goeden beyde have ende erve/
jans le favetrop soe wair die gelegen zijn hem met/
brieven van des(er) stadt gescreven aend(en) meye(r) van melain/
oft zijne(n) stadthoude(r) alle de selve goede behoirlijc heeft/
doen leve(re)n ende den selve(n) janne le favetrop dach van rechte/
te comp(ar)e(re)n alh(ier) inde banck voir meye(r) ende scepen(en) van/
loeven(e) doen besceyden oft hij hem d(aer) tegen hadde wille(n)/
oppone(re)n Ald(aer) hij op heden als ten verstreken(en) daige niet/
gecomp(ar)eert en es noch nyema(n)t van zijne(n) wegen den/
voirs(creven) geleydde(n) altijt comp(ar)e(re)nde en(de) trecht voirt versueken(de)/
soe verre dat de scepen(en) van loeven(e) ter maniss(en) smeyers/
nae dat hen behoirlijc gebleken heeft bij rappoirte cornel(is)/
reyns des(er) stadt bode de voirs(creven) executie gesciet te zijne/
gewijst hebben voir een vo(n)nisse Wair de wed(er)p(ar)tie/
des voirs(creven) geleydde(n) niett en comp(ar)eert voe(r) den opstaen(e)/
smeyers ende der scepen(en) datmen den selven geleydden/
vanden voirs(creven) goeden houden soude inde macht van/
zijnen beleydde g scepen(en) brieven ende leveringen/
alsoe verre alst noch voir scepen(en) comen es/
In scampno octobr(is) t(er)cia
Nagekeken door: Karel Embrechts
Moderator: Greet Stevens
Laatste update:: 2017-02-12 door kristiaan magnus