Want jan van dormale als geleydt nae des(er) stadt/ recht voir sijn wettich gebreck uuyt crachte van/ scepen(en) brieve(n) van loeven(en) tot allen den goeden/ beyde have en(de) erve he(re)n arnts huene priest(er)s zoe/ wair die gelegen zijn hem met brieve(n) van des(er)/ stadt gescreve(n) aend(en) drossete van rotselair oft zijnen/ stadhoude(r) te wackerzeele alle deselve goede behoirl(ijc)/ heeft doen leve(re)n ende den selve(n) he(re)n arnde dach/ van rechte te co(m)p(ar)e(re)n alh(ier) inde banck voir meye(r) en(de)/ scepen(en) van loeven(en) oft hij hem d(aer)tegen hadde wille/ oppone(re)n doen besceyden Aldair hij op heden als ten/ verstreken(en) daige niet gecomp(ar)eert en es noch p(ro)cur(eur)/ van zijne(n) wegen den voirs(creven) geleydd(en) altijt co(m)p(ar)e(re)nde/ en(de) trecht voirt versueken(de) soe verre dat de scepen(en)/ van loeven(en) t(er) maniss(en) smeyers nae dat hen behoirl(ijc)/ gebleken heeft bij rapporte jans dridoens des(er) stadt/ bode de voirs(creven) leveri(n)ge en(de) dachbesceydinge gesciedt/ te zijne gewesen hebbe(n) voir een vo(n)nisse Wair/ de wed(er)p(ar)tie des voirs(creven) geleydd(en) niet en comp(ar)eert/ voe(r) den opstaen(en) smeyers ende der scepen(en) datmen/ den selven geleydd(en) vanden goed(en) houden soude inde/ macht van zijne(n) beleyde scepen(en) br(ieven) en(de) leveri(n)ge alsoe/ verre alst noch voir scepen(en) comen es in sca(m)pno oct(obris) xxii