Vander questien gecomen op heden bijd(en) raide vander/ stadt tusschen adriane van assche t(er) eend(er) ende m(ar)griete(n)/ potent wed(uwe) jans wijlen de witte t(er) and(er) zijd(en) als/ van seke(re)n acht(er)stellig(en) verloepen(en) pachten en(de) ande(r) eysschi(n)g(en)/ en(de) gebreken die deselve adriaen huer eysschen(de) was/ vand(en) moelen geheeten de redinge moelen he(m) en(de) sijnd(er)/ werdynnen toebehoiren(de) Dair op deselve m(ar)griete/ tot seke(re)n daigen van rechte voirled(en) genoech opden/ selve(n) eysch geantwerdt hadde int pri(n)cipael kynnen(de)/ genoech deselve scult behalven dat zij mocht/ uuytneme(n) dat zij niet gehouden en soude zijn inde/ selve pachte(n) der voirs(creven) moelen van des seke(r) ande(r)/ p(er)soene(n) d(aer) inne gewoent hadden Huer des gedragen(de)/ totten selven adriane heeft deselve m(ar)griete als op/ heden getendeert in des(er) om gere(n)voyeert te werdden/ bijd(en) rectoir oft ande(re)n gericht(en) d(aer) zij behoe(re)n mochte(n)/ gem(er)ct dat zij was huysgesin en(de) m(ar)te van meest(er) jans/ mota en(de) dat zij alsoe niet en hadde moegen antw(er)d(en)/ al mochte tselve gebuert sijn sonder sijnen consente/ D(aer)op de voirs(creven) adriaen sustineerde de (contra)rie seggen(de) wa(n)t/ dair lit(is)co(n)testatie was int principael der pechti(n)g(en)/ en(de) moelen aengaen(de) dat zij alh(ier) te rechte bliven soud(en)/ ende in dien verdoelt wae(r) met hue(re)r declinatorie(n)/ Es geappointeert dat deselve m(ar)griete met hue(re)n/ voirnemen(en) in desen verdoelt es mair sculdich sijn/ nae alle(n) voirgesciedeniss(en) alh(ier) tege(n) de voirs(creven) hue(r) wed(er)p(ar)tie/ rechts te plegen in cons(ili)[o] opidi julii v[ta]