Tusschen woute(re)n vrancx diene(r) vand(er) capellen/ alh(ier) bescr(even) hebben(de) janne paesschart en(de) vincente/ ghiel(ijs) als bedesett(er)s van glabbeke t(er) eend(er) ende de/ selve bedesett(er)s t(er) ande(re) aldair de selve wout(er) dede/ lesen de t(er)mi(n)ac(ie) d(aer) mede hij oct(obris) penult(ima) geco(n)de(m)pneert/ wert cornel(ise) badaff inne te moten staen van seke(re)n/ ontvreemd(en) en(de) gedepostueerd(en) vruchte(n) bove(n) sek(er)/ leveri(n)g(en) he(m) d(aer) af met rechte gesciet Behalven he(m)/ sijn verhael en(de) recht opde bedesetters ende [vacat]/ v(er)socht hij gem(er)ct den reden(en) ind(er) selv(er) voir t(er)mi(n)at(ien)/ geruert dat de bedesett(er)s d(aer) geduempt werdd(en) die/ vruchten te restitue(re)n Hopen(de) dat dat alsoe behoirde/ d(aer) tegen de bedesett(er)s sustineerd(en) de (contra)rie want het/ aenghinge m(ijn) gened(ichs) he(re)n bede den peyse vand(er)/ sluys en(de) ande(re)n d(aer) mede die vand(en) dorpe gelast/ wae(re)n en(de) en soud(en) he(m) die ande(r) goede d(aer) gheend(er) die/ die sculd(ich) wae(re)n niet volgen soe en soude m(ijn) gened(ich)/ hee(r) tot sijnd(er) beeden niet co(n)nen gecomen d(aer) tegen/ de voirs(creven) diene(r) voir hem nam de reden(en) die/ cornel(is) tegen hem inde voir t(er)mi(n)ac(ien) gealligeert/ hadde namelijc dat de vo(n)nisse desselfs cornel(is)/ oude(r) wae(re)n dat d(er) bedesett(er)s executie soe dat bij/ dien die goede oft vruchte(n) [d(aer)] der bedesette(re)n executie/ nu d(aer) op gebuerde doen niet toe en behoirde de(n)/ ghenen die zij de selve beede eysschte(n) oic seyde/ de werdi(n)ne willems van boelen dat huer zee(r)/ / verwonderde dat [me(n)] huer en(de) hue(r) goede belaste metter/ beden sonder aff te trecken(e) de co(m)me(re)n sculden en(de) lasten/ die d(aer) aff gaen moesten Es uutgesproken bijd(en) wet/ houde(re)n dat zij bliven bijde voirs(creven) t(er)mi(n)ac(ien) voirs(creven) en(de) dat/ de beedesett(er)s sculd(ich) sullen sijn den voirs(creven) woute(re)n h(ier) aff/ te lossen en(de) de goede liede te laten passe(re)n in de (con)t(ri)butie/ vand(er) beed(en) van des hue(r) goed(en) beet(er) wae(re)n dan de sculd(en)/ en(de) co(m)mere(n) die d(aer) aff gaen moesten en(de) gedrag(en) wordd(en)/ in cons(ili)[o] op(idi) p(rese)ntib(us) baets burg(imagistr)[o] boxhoe(re)n (con)s(iliario) et plu(r)ib(us)/ aliis nove(m)br(is) viii