Nae dien bijd(en) raide vander stadt zijn gecomp(ar)eert/ wout(er) van hollant en(de) henr(ic) de corte als mo(m)boirs van/ eend(er) jonger weesen docht(er) wijlen henr(ix) van hollant/ t(er) eend(er) ende giel(is) vand(er) me(re)n t(er) ande(r) zijd(en) als van/ seke(re)n erve te weten(e) huys en(de) hoff land(en) beempd(en) en(de)/ ande(re)n hue(re)n toebehoirten gelegen te leefdale d(aer)van/ zij tegen malca(n)de(re)n q(ue)stien hadd(en) seggen(de) de selve/ mo(m)boirs dat de voirs(creven) giel(is) tande(re)n tijd(en) die erve/ gecocht hadde tegen den voirs(creven) henr(icke) wijle(n) de hollande(re)/ om xl rinsgulden(en) eens boven den co(m)mer d(aer) uuyt gaen(de)/ bege(re)nde dair van de pe(n)ni(n)gen vand(er) selv(er) come(n)scap/ alsoe opgeleeght te hebben(e) want die alnoch o(m)bet(aelt)/ uuytstond(en) soe zij seyden Welke come(n)scap de voirs(creven)/ giel(is) genoech bekinde v(er)sueken(de) tre(n)voy t(er) plaetss(en) dair/ die gelegen wae(re)n en(de) hij en(de) zijn p(ar)tie geseten wae(re)n/ ende nae dien de wethoude(re)n p(ar)tien in des(er) int/ lange gehoert hadden Soe hadden zij tot eenen seke(re)n
//
daige voirleden de selve d(er) plaets(en) van leefdale/ versonden soe zij genoech bekinden om d(aer) rechts/ te geven ende te nemen seggen(de) alsoe voirts de/ selve mo(m)boirs [d(at)] de selve giel(is) de selve sake wed(er)/ o(m)me alh(ier) voir scepen(en) van loeven(en) betogen hadde/ als poirte(r) de welke oic als de voirs(creven) mo(m)bours/ v(er)haelden wedero(m)me versonden was geweest ter/ plaetss(en) van leefdale voirs(creven) versueken(de) alsoe de voirs(creven)/ mo(m)bours de costen van rechte in des(er) saken alh(ier) bij he(n)/ ombehoirl(ijc) geled(en) om d(aer) aff bet(aelt) te werdden(e) D(aer)op/ de voirs(creven) giel(is) sustineerde de (contra)rie gem(er)ct dat tpri(n)cipael/ noch niet gedecideert en was meynen(de) dat die alsoe/ souden blive(n) berusten(de) totten ynde vand(en) selven pri(n)cipale(n)/(et)c(etera) met meer ande(re)n woirden ten effecte als boven/ Es uuytgesproken ende get(er)mineert bijd(er) selv(er) wet/ hier op gelet zijnde dat de voirs(creven) mo(m)boirs de coste(n)/ d(aer) van q(ue)stie es overgeven sullen om die bij gielijse(n)/ wed(er)leet te werdden(e) en(de) d(aer)entinden tott(er) taxacien/ van dien te p(ro)cederen(e) als nae recht behoe(re)n sal/ ende aengaen(de) den gronde van erve(n) d(aer) q(ue)stie af es/ en(de) d(er) come(n)scap in dien d(aer)aff stelden zij p(ar)tien voe(r)/ tgerichte van leefdale naed(en) voirgewijsd(en) om ald(aer)/ rechts te plegen(e) in cons(ili)[o] opidi novembr(is) xviii